اللي تحس بالراحة و هي تسمع أغاني .. تدخل تعلمني.. !!

اللي تحس بالراحـة و هي تسمع أغاني .. تدخل تعلمنــي .. !!

..
أخواتــي ..
أبي اللي تحس بالراحـة و هي تسمع أغاني ..
ترد عليّ و تقولِّي .. لأنه لغز محيرني .. تدرون ليـه .. ؟!
لأني إذا مريت بأي مكان .. أو فرّيت بذا القنوات ..
و شفت ذا الأغاني و الفيديوكليبات ..
و الله أحس نفسي تضيق .. تنكتم ..
مادري هو أنا بس ولاّ فيه مثلي ..
لأني أعرف الناس .. كل الناس .. ما يحبون إلاَّ اللي يسعدهم ..
يدورون السعادة .. و أنا أشوف إن الناس طايحة بذا الأغاني ..
و يدفعون الآلاف اللي لو انصرفت على مدينة من المدن الفقيرة
كان اشبعتهم ..
يدفعون الآلاف ع الحفلات و المراقص و أشرطة الأغاني والسيديّات ..
يعني هم يحسون بأن هذا الشي يسعد النفس ..و يزيلها من همومها .. ؟!
ولاَّ كيف يا عباد الرحمن .. ؟!
ابتساماتهم و ضحكهم اللي أشوفه عليهم ..
من قلوبهم .. و لا تزييف للحقيقة .. ؟!
..

بنات .. أخوات .. يا غاليات ..
أبعترفلكم ..
و الله و أنا أجلس لحالي .. أقعد أفكِّر .. بذا العالم ..
بـالله و هم يعصون ربهم في أرضه و تحت سماه .. وحواليهم نعمه ..
بـالله يرتاحون .. يحسون بطمأنينة .. يستانسون إذا عصوه ..
بـالله .. يقدرون يضحكون و ربهم غضبان ..
يقدرون يرقصون و رب العالمين يناظرلهم من عالي سماه ..
إذا الحين أقسم بـالله العظيم ..
إذا فسخت شرشف الصلاة .. خلصت صلاتي و أبي أقوم ..
وربي استحـي من خالقي ..
و أنا اتذكر قوله: ..(( و ما خلقت الجن و الإنس إلاَّ ليعبدون ))..
أحس نفسي مادري اش أقولكم ..
أحس استحي أقوم و أسعى للدنيا ..مع إن ربي خلقني لأعبده هو ..
..
يا بنات ..
قال الرب سبحانه ..

..(( وَابْتَغِ فِيمَا ءاتَاكَ اللَّهُ الدَّارَ الآخِرَةَ وَلا تَنْسَ نَصِيبَكَ مِنَ الدُّنْيَا وَأَحْسِنْ كَمَا أَحْسَنَ اللَّهُ إِلَيْكَ ))..

قال و أحسن كما أحسن الله إليك ..
و إحنا ايش نسوي ..؟!
نسيء مع إنه أحسن إلينا ..
نتراقص طرباً .. و هو اللي خلقنا .. و نهانا عن ذا الشي ..
قسماً بـالله لو جاكم غالي .. و طلبكم طلب .. ما تردونه ..
لو تقدرون ما تبخلون عليه بعيونكم ..
هذا مع إنه إنسان ..
فـ بـالله كيف إذا كان ذا الغالي .. رب العالمين ..
مو هو أحق .. إننا نرخص أرواحنا مو عيوننا بس لأجله .. ؟!
..
ربنا يطلبنا يا بنات .. و هو ربنا ..
قادر بكلمة ..(( كن )).. يقلب حالنا ..
……………………………………
بين غمضة عين و التفاتتها .. يبدل الله من حال إلى حال ..
……………………………………
بـالله كيف نقدر نتراقص فوق أرضه .. و هو يرانا ..؟!
بـالله كيف نقدر ..؟!
..
أبيكم بس تجاوبوني ……………
بـالله .. تحسون بالراحة .. إذا عصيتوا ربكم .. ؟!
هذا و إذا زعل منكم غالي .. زعلتم و تضايقتم لين يرضى .. ؟!
فكيف بـالله العزيز الجبار يا أخواتــــــي .. ؟!

..
ربما أحيان فعلاً .. نريد سماع مقطوعات حزينة ..
أشعار .. أغاني .. نحسها تحكي مشاعرنا ..
بس لحظة ..
مو لعيون الحبيب تكرم مدينة .. مو لأجل عين تكرم مدينة ..
خلاص .. لأجل رب العالمين .. خلونا نحلّي حياتنا بالطاعات ..
نرضي ربنا علينا عشان نتوفق .. و تتحقق أمانينا ..

تقولون ربي ما استجاب دعواتنا .. ما تحققت أمانينا ..
خلونا أول نشوف الأخطاء اللي بداخلنا و نصححها ..
تذكروا ..(( إن الله لا يغير ما بقوم حتى يغيروا ما بأنفسهم ))..
……………………………
………………………
أخواتــي ..
ما راح أعيد نفس الكلام اللي قالوه الشيوخ عن حكم الأغاني ..
ولا راح أعيد نفس الكلام اللي يتكرر على مسامعكم كثير ..
لا ..
أنا أبحكي من قلبي .. و أبيه يوصل لقلوبكم ..
بس بأقول كلمة ..

.. ترى إبليس ما يستاهل ..
.. نغضب ربنا على شانه ..

..

بـالله جاوبوني ياللي تسمعون أغاني ..
تحسون بالراحة .. ؟!