اللي ترد بكل صراحة الله يجزاها كل ما تتمنى ارجوكم لا تسفهون تكفون

بنات تكفون تكفون لا تسفهون كالعادة

صارلي متزوجة من سنة ونص تقريبا ، والله اني يوم اشوف صوري وانا عروس احزن على نفسي
انا اساسا سمرا ، ويوم قرب زواجي مسكت كورس شهرين تقريبا حبوب التبييض الجلوتاثيون
بعدين خلصوا وتزوجت واشتريت جديدة ولا عاد استخدمتها لأني حملت بسرعة
كنت ايام زواجي الاولى اتصور وكنت اشوف نفسي ايامها اني عادية وانه لوني عادي حبوب التبييض ما اثرت كثير فيني ، بس اللهم اني كنت ما اتعب في توحيد اللون لما احط مكياج ، كان الاساس على طول يأثر فيني ويجملني ، غير عن اول كنت اكره الاساس يبين وجهي وصخ وما اعرف اضبطه << وانا متاكدة اللي مجربه هالحبوب صارلها نفس الشي
المهم
حملت وخلفت الحمدلله ولوني تعرفون مع الحمل والولادة كيف يصير ، بس انا اشوف لوني عادي ماعليه
الحين تميت 6 اشهر على ولادتي ولوني رجع زي اول تقريبا ،، يعني سمرا مبقعة
وناظرت صوري اللي ايام زواجي الاولى ، والله انصدمت هنا ، قلت معقول كان لوني كذا حلو
اقسم بالله يا بنات ان كان كذبت عليكم بكلمة الله لا يوفقني لا دنيا ولا اخره يارب
بالفعل حسيت فرق كنت بيضا ما ادري اشلون كنت اشوف لوني عادي مو مبيض كثير
بس لما قارنتها بوضعي الحين عرفت الفرق فعلا

والحين جد جد زعلانة على نفسي ،، ما اقدر استخدم حبوب الجلوتاثيون لأني ارضع بنتي
وفكرت اشتري حبوب شسيدو لأنها ما تأثر على الرضاعة حسب ما يقولون

وهنا السؤال اللي ابيكم تجاوبون عليه تكفون نخيتكم انا

من استخدمت هذي الحبوب (شسيدو) ولمست فرق
تكفون من غير شغل داعيات

انا دورت بالنت حسيت كله داعيات وما اعجبني ، ومعليش اللي تبيع الحبوب السموحة منها لا ترد شهادتها مجروحة لا تزعلون مني

انا كنت ابيع الجلوتاثيون مو لأني تاجرة ،، لآ ،، لأنها بقيت عندي وما استخدمتها بسبب الحمل والرضاعة
والحين خلاص صرفتها ولا عاد ببيع لأني ماني بتاجرة اصلا ، بس حبيت اقول تجربتي فيها

والحين ابي اللي استفادت من الشسيدو تقول الصراحة تكفون
واللي تخاف من العين تقولي عالخاص

تكفون بنات نخيتكم
بس اللي استخدمتها تقول ،، ياليت محد يقول بنت عمي وبنت خالي
ابي اللي استخدمتها

تكفون