اللي تفهم في الرسايل الغريبه وتعرف ترد تدخل

************************************************** ***
************************************************** ***
ياحلوين
دقيت عليها البارح وقلتلها سلام كيفك؟ وش حكاية الرساله اللي امس خير ان شاء الله..قالت اي رساله قلت لها رسالة بيت الشعر
قامت ضحكت وقالت عادي وش فيه..؟ واحس بكلامها خبث وبضحكتها..المهم قلت لها وش معناته ..قالت معناه عادي جاني مسج وعجبني مررره وارسلته..
قلت لها انتي عارفه ايش معنى كلمة (( وضيييييع ))
قال لأ؟ وش معناها؟؟ قلت طيب اذا انتي مو عارفه اش معناه كيف ترسلين شي انتي مو فاهمته..؟؟؟
ترى هذا هجاااء وبيت شعر مو كااامل وحاطه كلمة وضيييع بين قوسين فاكيد انك قاصده
خير ان شاء الله وش جاك مني احد نقل لك كلام او غلطة عليك بكلمة في يوم من الايام وانا ماادري
قالت لا ماجاني شي ولو جاني كلام ابدق عليك واواجهك..وتضحك وتتريق ..
قلت حلو هذا اللي ابغاه اذا جاك شي دقي علي وابشري باللي تبغينه..
قلت انا قريت الرسالة وزعلت منك مرررررررره ليش تقولين عني وضيعه الا اذا كان فيه شي
قالت مو شرط الا اذا كنتي منتي واثقه بنفسك فهذا شي ثاني…وقهرتني بهالكلمه
قلت لها لو اني مو واثقه بنفسي كان مادقيت عليك ولا اثر فيني المسج
قالت والله المسج عاجبني حتى لو ماكنت فاهمته وارسلته لك عادي بنيه عاديه وانتي فهمتيه شي ثاني والمسج عاجبني هذا ذووووقي
وكل واحد له ذوووقه ويمكن ماعجبك؟….
قلت لها صح والله كل واحد وذووووقه..وسكتت
وقلت لها اصلا مابيننا نوع من هالرسايل انا وانتي وغريبه ترسلين لي هالرساله بهذا الوقت
عموما ثاني مره لاترسلين شي الا وانتي فاهمته وعارفه معنى كل كلمه فيه واللي يعجبك مايعجب غيرك واذا ارسلتي شي ارسليه كامل او لاترسلينه لو ارسلتني المثل كامل كان قلت انه عجبك فعلا وارسلتيه بس ارسلتيه ناقص وهذا اللي قهرني وكانك قاصدتني
بس وقلت لها مع السلامه
واللي قاهرني ماكلفت على نفسها تعتذر وتقول لي مو قصدي اعذريني انك فهمتيني غلط ولا شي
وبس
((على فكره هذي البنت اخت زووووجي للأسف .. وينت خالتي بنفس الوقت . ومابيننا شي وعلاقتنا جدا رسميييييييه وحتى هي قالت علاقتي معاك رسميه ))بس قلت لزوجي عالموضوع من البدايه وهو زعل قال كلميها اذا ردت اوكي واذا ماردت كلمي امي وتشرهي عليها وعلى بنتها وشوفي وش تقول اهم شي لاتسكتين عليها…ولما كلمتها وقلت له وش صار قال رأيي انها تافهه وطايشه ومو عارفه ايش ترسل ..واحتمال تكون غيراااانه منك لسبب ما..اما لجمالك او لأنك ماتقصرين في حق الناس وتزورين القريب والبعيد اما هي لأ كم مره تصير لها مشكله لانها ماتروح للناس ولا تزورهم حتى اهل زوجها ساكنين فوقها ماتروح لهم الا كل شهرين مره وهم اللي انتقدوها وتكلموا عليها والناس كلهم عرفوا الموضوع وكانت مقهووورة..
عموما طنشيها واذا جاك شي منها والا من غيرها خذي حقك ولاتخااافين ولاتستحين..
وبس
وشرايكم بالموضووووع؟؟؟