اللي جربت اطفال الانابيب تفوت تجاوبني وتدعيلي ..بلييييييييز

السلام عليكم ورحمة الله وبركاته
كيفكم صبايا
الله يطعم كل محرومه فيكم ويجبر بخاطر الجميع
انا غبت عن المنتدى لفتره لحالتي النفسيه والحمد لله رجعت بعد تجربة اطفال انابيب اولى وبائت بالفشل الحمد لله على كل حال
انا الآن مقبله الشهر الجاي على عمليه تانيه وان شاء الله ان شاء الله ربي ما يحرمني ويعطينيويعطي كل وحده محرومه آمين يارب
بناات بدي اسئلكم سؤال وياريت اللي جربت تحكيلي
هلا يا بنات بعد ما نخلص من العمليه وكل شي وبعد الترجيع اكيد الراحه مطلوبه وما لازم نتعب او نتحرك , طيب يا صبايا بعد ما نروح البيت بعد الترجيع هليجوز النا الصلاه؟!
لانه بعد الترجيع وانا كوني بفلسطين ما في دكتورات اللي بعملو هادا الاشي كلو دكاتره ومجبورين نعملها
انا بعرف انه ما بصير ناخد دش اي (شاور) بعد الترجيع لأنه الميه السخنه على الراس بتأثر وما بصير نغتسل يعني كيف بدنا نصلي وندعي ربنا هل بكفي الوضوء فقط ولا لأ
بصراحه انا حيرانه وما بعرف كيف اعمل
بلييييز صبايا جاوبووني والي عندها خبره بهالمجال تحكيلي وتدلني وتنصحني شو اعمل واكون حريصه من شو بعد الترجيع؟
والله يرضى عليكم ويعطيكم لحتى يرضيكم يا فراشات
ربي لا تذرني فردا وانت خير الوارثين