اللي عندها انسداد في الانابيب تفيدني

السلام عليكم ورحمة الله
كيفكم يااخواتي ان شاء الله كلكم بخير
والله يا فراشات انا اعتبركم مثل اخواتي واتمنى لكن الخير زي ما اتمناه لنفسي عشان كذا ابغى افضفض لكم واقولكم اللي بقلبي
انا متزوجة من 5 سنوات ومن بعد زواجي بشهرين كنت بمووت واجيب طفل لاني احب الاطفال موووت , المهم رحت عند الدكتور وقالي انه عندي هرمون الحليب مرتفع بنسبة بسيطة وكمان فيه ضعف في التبويض ودورتي مش منتظمة واعطاني ادوية لحل المشاكل اللي عندي واستخدمتها وماحصل حمل برغم انه كل شيء صار عندي طبيعي….. وغيرت الدكتور برغم اني استمريت سنتين على العلاج الاول وطلب مني الدكتور الثاني اشعة صبغة للانابيب وكانت المشكلة انه عندي الانبوب اليسار مسدود والانبوب اليمين مفتوح بنسبة بسيطة وسوالي الدكتور تلقيح صناعي 4 مرات وكلها فشلت وقال لي مافي حل غير طفل الانابيب وسويتها والحمدلله ربي رزقني ببنوته زي القمر عمرها الحين سنه وتسعه شهور ……….
والحين زوجي يبيني احمل وقلت له خلينا نحاول طبيعي بمنشطات للتبويض وكذا يعني لكن الدكتور طلب مني اشعة صبغة وللاسف طلعت كل الانابيب مسدوده برغم انه كان عندي امل اني احمل بالانبوب اليمين الي كان مفتوح لكن الحين سودت الدنيا في عيني ومافي حل غير طفل الانابيب وزوجي يقول انها عملية مكلفة ويمكن تنجح ويمكن ماتنجح علما انه زوجي سليم………
وانا الحين مو عارفة اش اسوي تعبت من التفكير … وكنت ابغى اسال البنات الي عندهم انسداد في الانابيب فيه امل انها تنفتح او اي حل ثاني او حتى ممكن لو يعرفو دكتور كويس في مكه او جده ممكن يساعدني في مشكلة الانابيب المقفولة………..