اللي عندها طفل معاق تعالي نفيد ونستفيد

السلام عليكم
كيـفكم احلى فراشات
فكرت وفكرت وفكرت مافي ولا احد مهتم بالفئة دة مع انها اهم فئة لازم نهتم فيهم ونرعاهم
طبعا قبل كل شئ انا اخت طفل معاق عندة متلازمة داون دحين عمرة 11 سنة
من صغري احاول اتعامل معاة مااقدر هو عصبي جداااا وكان تعبان من هو بيبي الى 7 سنين بدا يخف وصار احسن الحمدالله بس مايتكلم الى دحين ومايمشي والله نفسيتنا تعبت خلصت من الجامعة انا
وطبعا زي ماانتو عارفين لا وظايف ولا شئ فكرت اخد دورات قلت اعلمة واخد اجر فية اخدت دورات ودرست
واستفدت وافدت ناس كتير والله الحمد صرت اتعامل معاة ومع التوحد ومع التخلف العلقي درست انواع منهم
في روضة اطفال دمج معاقين وطبيعين وماوقفت على هنا وبس درست كمان بمعهد معاقين كبااار
يعني اعمارهم فوق الـ 15 سنة والله قلبي يتقطع عليهم بسس احبهم واحب اساااااااااعدهم قد مااقدر
يعني اسوي المستحيل عشان ارضيهم ولله الحمد دحين صرت اتعامل مع اخوية بشكل حلو جدا
ومايحب احد بالبيت قد مايحبني الحمدالله صح لسة مايتكلم بس بداء ينطق بابا < اممماما وصار يعرفنا
هو مشكلتة انة عصبي ولمن يعصب يضرب اي احد وبأي شئ الا اناا يحبني ومايقدر يضربني حتى لو ضربني
على طوول يجي يبوسني والله يابنات انة اول ماكان يعرف ولا شئ دحين علمتة اشياء مرررررررة كثير
الحمدالله << قولو ماشاء الله تبارك الرحمن
حطيت الصفحة دة لاني حاسة بكل ام ولا اخت عندها احد معاق وماتعرف تتعامل معاة
قلت افيدها ان شاء الله باللي اقدر علية والحمدالله كنت مسئولة بالروضة عن 24 طفل بمختلف الاعاقات
وكل طفل تجي امة تشكرني على تحسنة ولله الحمد ربي حط بقلبي حب للفئة دة بشكل ماتتخيلوو
اللهم اشفي اخوية واشفي مرضانا ومرضى المسلمين
اتمنى تتفاعلو مع الموضوع دة لانه في ناس كتير محتاجة تتعلم عنهم اكتر
تحياتي لكم