اللي والده قيصري أوسمعت بتوسع الحوض عند الجنين..أنا بحاجتكم لاتردوني,,

أخواتي أنا ليه فتره منقطعه عن المنتدى والان رجعت لاني محتاجتكم مره أتمنى ماتردوني,,

عندي استفسار مهم جدا ياريت تجاوبوني عليه..

أنا حامل وحاليا باقي لي اسبوع وأدخل التاسع وهذا حملي الثاني..ولادتي الاولى كانت قيصريه وأمنيتي ولادتي الثانيه تكون طبيعي لاني من جد تعذبت بعد العمليه,,

والله اني مهمومه لاني أمس راجعه من الدكتوره وقالت لي ممكن أولد عمليه هالمره لسببين:

الاول ان الجنين عنده توسع في حوض الكليه.. ولو صبروا عليه لنهاية التاسع ممكن التوسع يزيدويسبب له تلف في الكلى,,

الثاني انه معايا الام مكان العمليه الاولى وومكن هذا يسبب لي انفجار للرحم لانه مو متحمل التوسع حاليا كيف مع الطلق؟..

طبعا أنا أنصدمت من كلامها وصارت نفسيتي زفت..

طلبت مني أجيها بعد اسبوع اكون دخلت التاسع ويعملوا لي سونار يتأكدوا اذا كان اتساع الحوض عند الجنين يزيد فلازم يستعجلوا عليه بعمليه..

لانه معناه التوسع كل ماله يزيد وخطر يكمل الجنين التاسع,,

سؤالي :

مين عندها خلفيه عن توسع الحوض عند الجنين؟؟

وهل فعلا خطر على الجنين يطول في الرحم اذا عنده توسع؟أوما تفرق المده؟…..

وبالنسبه لآلام العمليه هل تستوجب الخوف ولا شئ عادي الالام في الشهور الاخيره من الحمل ؟ وكيف أعرف ان الالم طبيعي مع التوسع؟..

وهل في طريقه أقدر من خلالهاأطمن على العمليه السابقه؟سواء تلفزيون أو غيره؟؟…

أخاف أعند وأولد طبيعي أجني على نفسي والجنين,,

وأخاف استعجل واجلس عمري كله قيصري..

الله يعافيكم اللي عندها خبره أوسمعت شي عن هذا الموضوع تطمني,,

واللي ماعندها خبره لاتنسى تدعيلي..

والله من خوفي نزلت الموضوع وماني قادره اصبر لحد ماأدخل التاسع وأشوف الوضع قلت أرجع لكم بعد الله..

آسفه على الاطاله وأستنى ردودكم لاتحرموني من خبراتكم وتجاربكم,,