المتزوجه مو زي البنت

بدخل بالموضوع

شرايكم باللي ينقدون على المتزوجه وخاصه اللي عندها اطفال لبسها وحركاتها اذا ضلت تسويهم من يوم كانت بنت عزوبيه

يعني اذا تزوجت لازم تغير شوي من حركاتها ولبسها وكلامها ودلعها ؟

واذا لبست لبس بنوتي ينقدونها يعني متزوجه ومعها طفل ولابسه لبس كيوت وبنوتي على قولتهم ههههه يستحقرونها كثير ااسمعهم وتعرفون اللي هابين فيه والالوان الغريبه والحركات تعرفون انتم اللبس هذا مع اني مااييده سواء للبنت او المتزوجه لانه عاري الله يستر علينا

ولو تسوي اي حركه او تستهبل مع البنات نقدوها حتى لو كانت عمرها بالعشرينات يعني متزوجه المفروض تثقل والبنت عادي مثلا لو تركب دباب قالوا متزوجه وام عيال وتركبين دباب ولا تلعبين ولا تناقزين وتلقون فيه بنات بعمرها لسى ماتزوجوا عادي كل شي تسويه لانها لسى بنوته وهذي خلاص تزوجت كبروها كل شي محسوب عليها

لدرجه اذا شافوا وحده دلوعه بكلامها ومياقه ونعومه وهي متزوجه وعندها عيال يتمسخرون فيها واذا بنت لا عادي بالعكس انا عادي ماعمري نقدت كل وحده تعيش عمرها لو عندها درزن عيال انا عادي احيانا حركاتي حركات بنات مراهقات ام 15 وتحت وش اسوي غصب هذي انا

بعد بشتري اشرطه بلاستيشن بلعب ان شاء الله لان اشرطتي خربت ولاعلي من احد كأني بزر بناقز وبعلب بالسيكل وسكوتر < قديمه ككك والعب تركيبه واونو وكل شي بس ماعلي من احد
لكن مجتمعنا مادري وش فيهم عقدونا

لييييييييييييييييييييييييييييي يش ؟