المشكشك..دجاج صحي وخفيف …على طريقة ليونه

السلام عليكم

كيفكم يارشيقات المستقبل؟

بعد تشجيعكم لي بأول وصفة نزلتها بالقسم وكانت الميني برقر وبناء على طلب الغالبية باني انزل اكلات ثانيه جربتها ولعيووووووون حبيبة قلبي سوكرا

اليوم جبت لكم طبخه جديده جربتها ومره اعجبتني وخفيفه ولذيذه ومريحه كمان تفيد كثير الطالبات والموظفاااات وافضل شي تكوووووون وجبة غداء

الاكلة اسمها مشكشك وهي من كتاب النخبة بس طبعا مع شوية تعديلات بسيطة تناسب الريجيم والتخفيف حقنا

وهالاكلة باختصار هي عبارة عن اوصال دجاج متبل وبالاخير شويته بالفرن وسبب تسميته بمشكشك لانه المفترض تحطي بالنهاية كل وصلتين من هالدجاج مع بعض بعود اسنان يعني تشكشكية بالعود بسسسسس انا مااسوي هالشي لانه ابوي قال لعبتي باعوادي ههههه اما لو جوني ضيوف ولا عندنا احد اكييييييد احط واتكشششخ ها

الحيييييين خلاص يكفي سوالف فاضيه وبقووووولكم المقادير

وطبعا المقادير لكمية كبيرة بالنسبة لشخص واحد فممكن اول مره تجربي ربعها بسس ولانصها عاد انتي ووضعك اوكي

المقادير:
2 صحن دجاج فيليه

اعواد اسنان خشبية

بيض مخفوق

كأس بقسماط او حسب الحاجة

<< انا عملت البقسماط بنفسي دقيت شابورة وتوست ناشف وفي طريقة ثانيه كمان بعطيكم هي شوي

التتبيلة:

2 ملعقة صغيرة سماق <<اذا ماعندك مو مشكلة

2 ملعقة صغيرة بهارات ( أو 1 م صغيرة فلفل أحمر – 1 ملعقة صغيرة فلفل أسود – رشة ملح ليمون حسب الرغبة )
< طبعا انا اقلل الكمية لانه مفروض بالدايت مانكثر البهارات لانها تسبب احتباس السوائل بالجسم ها

ملح حسب الرغبه <<نفس الشي قللية لنفس السبب

علبة حليب مركز غير محلى مثل ابو قوس, وداي فاطمة وطبعا بيكون قليل الدسم وفيه من شركة المراعي متووووفر

2 فص ثوم (حسب الرغبة ) او اقل انتي وذووووقك

الطريقة:

نقطع الدجاج قطع مربعة متوسطة

<<بالنسبة للقلي هذا الشي اما لو بتحطيها بالفرن الافضل تقطعيها اصغر من المعتاد وماتكون سميكة عشاااان تستوي وكمان انا كنت اشكشكها بالشوكة قبل وبعد البيض والبقسماط عشان تستووووووي صح ها 😳

تخلط خلطة التتبيلة سويا بالخلاط

ثم تغمس فيها قطع الدجاج وتترك مدة تتراوح من ساعه الى 3 ساعات

<<<ممكن تحطيها بالثلاجة لمدة يوم او نصف يوم مافي مشكلة وكل ماخليتها اكثر كل ماتشربت الخلطة اكثر

وبعد ماتخرجيها تصفيها طبعاااااااا من الخلطة

تغمس في البيض ثم البقسماط

توضع في صينية مدهونة بزيت زيتووووووون ويشغل الفرن من اسفل ثم من الأعلى <<اول مااخرجها امسحها بمنادييييل عشان اتخلص من اي زيت عالق فيها احسسسسن

وبالنهاية تشك كل قطعتين في عود اسنان

بعض الملاحظات :

* ممكن تسوي كمية كبيرة من المشكك وتخلصيه كامل بعد البيض والبقسماط بس ماتحطيه بالفرن تحطيه بعلبة أو تقسمية بأكياس ويتحط بالفريزر ومتى ماحبيتي تاكليه خرجيه قبل بربع ساعه ودخليه الفرررررررن وترى من جد ماياخذ وقت يمكن ربع ساعه او اقل حسب حجم القطع عندك وحسب حرارة فرنك

وطبعا هالشي مريح لنا الموظفات وكمان الطالبات بس ارجعي وخرجيه وروحي بدلي ملابسك وجهزي سلطتك وبعدين حطيه بالفرررررن بسسسس وخرجيه وكلييييه بالهنا واالعافيه

وممكن كمان تسوي لاهلك معك يعني سوي لك كم حبة بالفرن وهم اقليه لهم وطبعا بالقلي اطعم بس ادسسسسسسسسسسم فلا تفكروا يارشيقات انكم تقلوه ها الا اذا بيوم مفتوح

*في طريقة أخرى للبقسماط وهي :

شوية كورن فليكس بر مكسر باليد – بقسماط بر مثل ماقلت لكم اسويه بنفسي -بهارات – ملح – وسماق

وهالطريقة تخليه شوي مقرمش اكثررر بسسس ماادري انا ماحبيتها مثل الاولى يمكن لاني متعوده على هذيييييك؟! على عكس اخواني حبوها اكثر بس هم قليوه ااما انا بالفرن

* انا دايم اذا سويته اسوي معه طحينه ( نص ملعقة طحينه – 2 ملعقة زبادي – شوية ملح – وخل او ليمون ) وكمان ممكن تاكلي معه خبز او رز مسلوق معه أو اي شي تفضليه

وجد هالاكله خفيفه انا مااكثر اخذ 4 او 5 قطع بسسسسسس

واخيرا حياكم شوووفوا الصوووور:

وهذي عن قرب:

اخيرا ابي اشوف الردود اللي تشجع عشان انزل لكم اكلات ثانية مجربتها واكيييد بتكون لذيذه ها 😛

ولاتنسوني من الدعاء ان الله يفرج همي ويعوضني بالخير ويسهل لي جمييييييع اموري ويبارك لي في وقتي …

فماااان الله