عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
حبيباتي زواجي بعد 25 يوم من الآن بإذن الله ولسه المصورة والكوفيرة ماحجزتهم
وقالولي عن مصورة اسمها روبي (مغربية) وأسعارها كويسة بس اني مااعرفها
الله يرضى عليكم يابنات اللي تعرفها او جربتها لاتبخل عليا
وايش رأيكم في استديو أضواء ؟ كويس ولا مو قد سعرو ؟
رحت لعزة دريم وأسعارهم قوية صراحة
واتصلت بـ سهام وللأسف طلع يومي محجوز كلو
😆
وبالنسبة إلى الكوفيرا .. نصحوني بـ الشيخة .. عند سارة المكياج وعند حنان التسريحة
ولمن اتصلت قالولي سارة آخدة اجازة لأنها ولدت قريب ➡
مين غير سارة مكياجها حلو ؟
وقالولي برضو كارمن اللي في التحلية عند اريج ، وكمان رويال كير عند عفت
مع اني متخوفة من رويال كير بسبب موضوع دوبي قريتو هنا في المنتدى عن مواعيدهم ومعاملتهم
بليز يابنات اللله يدخلها الجنة ويسعدها دنيا وآخرة اللي تساعدني ..
راسي حينفجر من التجهيز لزواجي وعندي اختبارات نهائية وأبحاث ..
ربنا يسهل علينا كلنا وعلى كل عروسة حايسة
أختكم ..
