عالم البنات النسائي كل ما يخص المرأة العربية من ازياء وجمال والحياة الزوجية والمطبخ
اليوم موضوعي غير عن كل المواضيع يمكن شفتوه قبل كدا و يمكن لأ
فالبداية رح اشرحلكم فكرة الموضوع عشان تكونوا فاهمين الصور و استحملوني عاد 😉
الله يسلمكم فيه اثنين شقتهم عباره عن استوديو يعني غرفه و مطبخ و حمام و كانوا محتاجين انهم يفصلوا غرفة نومهم عن غرفة المعيشه
و بعد بحث و معاناه جاتهم فكره لتقسيم الغرفه الكبيره الى غرفة نوم و غرفة معيشه بأقل التكاليف و من غير تكسير و الذي منه
و الفكره اللي جاتهم عباره انهم يشتروا باب سحاب حق الدولاب من احد دواليب ايكيا و يكون هو الفاصل و المساحه الفاضيه بين الجدار و الباب يغطوه بالجبسنبورد (اللوح الجبسي الجاهز)
و اتفضلوا الصور عشان تفهموا الفكره كويس و ان شاء الله يعجبكم موضوعي 😈
الغرفه اثناء التقسيم و اخذ المقاسات
أثناء العمل
و أثناء التركيب ركبوا اللمبات الملونه اللي من ايكيا من خلف الباب عشان تعطي اضاءة للباب و شكل جمالي
و من نفس اللمبه تقدري تختاري الاعدادات اللي تبغيها مثلا تغير لونها كل بعد دقيقه او ممكن تثبتيها على اللون اللي يعجبك
في الجدار المقابل للباب اللي ركبوه اشتروا مجموعة من دواليب المطبخ من ايكيا و ركبوه قريب من السقف و تحته تلفزيون بلازما و اخفوا الاسلاك حق التلفزيون و المسرح المنزلي فالجدار قبل ما يركبوا ورق الجدران
و هادي الصور الخاصه بهادا الجزء
و اخيرا الصور بعد اكتمال العمل و التشطيب و الترتيب
و فالنهاية أختم موضوعي بالشكر لكل فراشة و زائرة دخلت موضوعي المتواضع 😀
