المكسرات غذاء مهم وصحي ومغذي لأطفالنا

للاطفال اللي ما ياكلونها او ما يستسيغونها
*ممكن اضافه المكسرات المطحونه الى البسكويت المعد منزليا
*وممكن للكوب كيك لان الاطفال يحبون الكيك
*وممكن مع العسل
*وممكن مع شوكلاتة النوتيلا
*وممكن لحلى ام علي وعلى فكره هذا الحلى جدا جدا مغذي للاطفال ومليئ بالفوائد الغذائيه
*وممكن تضاف المكسرات المطحونه والمجروشه للايس كريم
*وممكن تطحنون المكسرات وتكون مجروشه وتخلط مع نستله وبسكويت وتكور وتقلب في المكسرات
*وممكن تحشون فيها التمر وتقلبوها بسمسم وتعطوها لاطفالكم
*او محمصه على وجبه الغداء مع الكبسه
*او مع المكرونه
*او قليلا منها على وجه المهلبيه
*او كزينه على وجه مهلبيه بالرز المصري
المكسرات تحتوي على نسبه من الدهون المفيده والغير مشبعه
وكما انه يحتوي بعضها على زيوت الاوميغا المغذيه للدماغ والتي تساعد الاطفال على الانتباه والتركيز
وممكن تسمن اطفالكم
وتعزيز الذاكره ومفيده للقلب ولمن يعاني من فقر الدم ونقص الكالسيوم او نقص المعادن
وخصوصا انو بعض الاطفال ما يحبوا يشربوا اكثر من كاسه حليب في اليوم

عشان تاكلوا اطفالك المكسرات وانتم مطمئنين دخلو المكسرات نوع نوع على غذائهم
لاختبار رد فعلهم تجاها
يعني تعطونهم فستق واذا ماجاه اي اعرض حساسيه مده 24ساعه الى48ساعه معناته ما يسبب حساسيه
وكذالك للانواع الاخرى
انواع رد الفعل
تورم في العيون احمرار في الوجه
تورم وظهور حبوب في الجسم
وفي الحالات الخطيره اختناق واستفراغ لا سمح الله وممكن تؤدي للوفاه للي عندهم تاريخ تحسس ضد المكسرات في العائله
فاانتبهوا على اطفالكم
السن اللي تعطون اطفالكم فيه المكسرات ما بعد السنتين مع مراقبتكم لهم عشان ما يغصون او شيئ لا قدر الله
اما قبل كذا ما بعد عمر السنه مجروشه ومطحونه ضمن غذائهم
شخصيا اعطيته لاولادي من عمر 8شهور تدريجيا
وهذا موضوعي لكم لليوم
اتمنى يفيدكم يارب
واعذروني ان اطلت عليكم الغيبات او قصرت معاكم 😉