المنتدى صار استغلال في استغلال(ليش كل وحده عندها خلطه تبيعها؟ليش ماتكتبها وتكسب الاجر

كل عام وانتم بخير

شخباركم عساكم بخير؟

امممم

بنات انتم تلاحظون اللي الاحظه؟

كل ماقريت عنوان فرحت(خلطه لمدري وشو الاكيد-خلطه للخطوط البيضاء روعه-خلطه للبياض مدري السمار- خلطه للصفاء-….الخ)
ولمن تدخلين الموضوع تتحمسين مع الكلام
وبالاخير الاخت تقولك لو تبين الخلطه انا ابيعها؟؟؟

اغلب مواضيع الفراشه صارت للبيع؟
شيكت ع الصفحات القديمه البنات كانوا عسل ويقولون خلطاتهم
الحين البنات ماهمهم الا الربح

ووحده صادقه ووحده نصابه ووحده مدري وش تبي؟

ليش المنتدى صار كذا؟؟؟؟؟؟
ماتبون الاجر؟؟
ماهمكم الا الفلوس؟
طيب انا وغيري نقدر ندفع والباقين يخيسون؟؟

وربي صار شي يرفع الضغط صرت اكره ادخل هالقسم
وين المشرفات؟
ليش ماينقلون هالمواضيع للمول اللي فيه بيع وشراء؟
ولا يسون قسم للخلطات المعروضه للبيع
مو كذا يضيع وقتنا واحنا نقرا الموضوع من اوله لاخره وبالاخير مانطلع الا برقم كاتبه الموضوع؟

وبعدين وش هالغفله اللي انتم فيها ياللي تشترون؟
اي وحده تقولكم خلطه روعه وانا اسويها على طول تجربونها؟
وبعضهم يبي يرضي ضميره يسال هل هي مضره ولالا؟طبعا وش تتوقعين ياللي تسالين هالسؤال؟تتوقعين لو انها مضره بتقولك مضره مثلا؟؟
انتم ماتخافون على نفسكم وعلى صحتكم؟
تستخدمون اشياء ماتدرون وش مكوناتها؟
ماتتعضون الا لمن تتنومون بالمستشفيات؟؟؟ولا لمن وحده تنصب عليكم وتاخذ فلوسكم ولاطلعتوا بفايده؟وش تسون ساعتها تجون تطلعون حرتكم فيها بموضوع…عادي ترمي يوزرها(نك نيمها)اللي اشتكيتي عليه وتدخل بثاني وتنصب ع غيرك
لا واللي يحير زود ان الخلطه تنفع لجميع البشرات والبنات هههههههه شلون بفهم؟

اصلا ماشجع هالاشكال اللي تبيع الا انتم

اسفه ع كلامي
طبعا مو كل اللي يبيعون نصابات او مو زينين
ولا كل اللي يشترون مهملين وماسالوا ولا حللو اللي يستخدمونه

بس كل املي ان اللي يبيعون يطلبون الاجر من الله بدل الفلوس
وكل حلمي ان اللي تفكر تشتري تحلل وتسال ميه سؤال قبل لاتستخدم اي شي ع نفسها لان هذي صحه اذا راحت ماترجع

ويسلمكم ربي جميعا