عالم البنات النسائي كل ما يخص المرأة العربية من ازياء وجمال والحياة الزوجية والمطبخ
تحياتي لكم جميعا ……اود ان اخبركم في البدايه اني لاول مره افكر اكتب موضوع في المنتدي ولكن ضقت بهالدنيا الواسعه.و ضعت…….قسا الوقت علي …بلحظه اخذ مني اختي……سبحان الله…..والحمدالله لله الذي لايحمد على مكروه سواه…..مادري من وين ابدي او كيف اوصف شعوري …….قلت ابدي بهذي الابيات البسيطه اللي وصلتني من صديقه لاختي المرحومه باذن الله……..ترثيها فيه:
وش يفيد الدمع مني و النوايح
ياطيور…للاسف ماعاد تنفع المدامع و النواح
كم بكينا وكم حزنا و انكشف مافي الصدور
ولو سور البيت ينطق ضاق من كثر الصياح
راح منهو يعطر دنيانا بالبخور
العطر مازال باقي لكن العطار راح
حكمة المولى الرحيم الغفور
كلن منا له و قت ويرحل في مسا والا صباح
بشريهم و علميهم ياطيور
شفتها بالنوم تضحك في جنات الله الفساح………….
مشكلتي ياناس اسودت الدنيا بعيني من بعدها ما توقعت الفرقا صعبه لهدرجه ……ليش ماتكون صعبه اللي فقدته شويه؟؟؟
الدنيا مالها طعم عندي……ادري انها باذن الواحد الاحد حالها عند ربي افضل من حالها بهالدنيا (توفت المرحومه باذن الله بعد صراع مع المرض 5سنوات) ..عمرها عند الوفاة 22 سنه بس….
مشكلتي ايضا اني صرت سوداويه بتفكيري احس اني املل اللي يقعدون معاي من صديقات او غيرة بنظرتي لهالدنيا…..حتى وحده من صديقاتي قالتلي سلمى ترى توج عمرج صغير ليش تفكيرج جذي؟؟ الله يخليكم ادعو لاختي من قلبكم …………..وشكرا
عن
شاهد أيضاً
يابنات انا مشكلتي مشكله عويصه ساعدوني الله يخلي لكم اللي تحبونه ويحقق لكم امنايتكم
السلام عليكم ورحمة الله وبركاته كيف حالكم ان شاء الله طيبين يابنات انا مشكلتي مشكله …