عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الناس المصلحجية ( يعني الناس اللي أهم شي عندهم مصالحهم في الدنيا )
من حكم خبرتي وتجربتي في الناس تأكدت من ان معظم الناس ماتهمها غير مصلحتها
محد على قلب الثاني ولا أحد يبي لك الخير ولا أحد يخدمك لوجه الله … وكل واحد لما تخلص مصلحته وياك يتغير تماما … وصدقوني من واقع تجربة أتكلم
وأكرر : أنا قلت معظم الناس مو كلهم لأن الخير موجود بس قليل ونادر.
خاطري أعرف ليش الناس مصلحجية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ليش لما يشوفون مديرهم يوقفون ويسلمون عليه بحرارة … والمسكين عامل النظافة أو المراسل مايعطونه وجه وكأنه مو موجود ويسلمون عليه وما يطالعون وجهه حتى !!!!
أنا بصراحة يكسرون خاطري الناس الفقيرة المحتاجة ودايما أعاملهم مثل ماأعامل مديري بالضبط … وبصراحة مافي فرق عندي بين المدير والعامل البسيط …
هل لأن المدير عنده مصلحتي أقابله بابتسامه عريضة وترحيب حار وكلمات منسقة والعامل البسيط اللي ماعنده مصلحتي أقابله بوجه معفوس وسلام ع الطاير وكلمات زي الزفت ؟؟؟
أنا كتبت هالموضوع وأتمنى من كل قارىء يعامل الناس سواسية وبدون نفاق ( لأن المنافقين في الدرك الأسفل من النار ) ولأنه لايوجد فرق بين الناس ( ان أكرمكم عند الله أتقاكم )
وياما ناس كانوا فقراء حتى العدم وصاروا في لحظة أغنى الأغنياء ( يعز من ياء ويذل من يشاء ) والدنيا ماتدوم حق أحد وسبحان المغير من حال الى حال ..
نصيحة مجربة : عامل الناس سواسية
