عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
اختى الغاليه بنت النيل انا حامل لى تقريبااا17اسبوع ومن الاسبوع ال7للحمالى صار معاى نزيف ولى هاليوم ماوقف عنى مرات يخف النزيف مثل 3 ايام الدورة ومرات والله يا اختى ماالحق اوصل “عزك الله” الحمام سويت سونار وقالولى عندج انفصال بالمشيمه وقبل اسبوع نزل على قطعه مثل اللحم اخذتها للطبيب وقالت لى يمكن من المشيمه وطلبت انها تفحصنى بس انا رفضت ورحت سويت سونار وقالى الدكتور الجهال بخير ووزنهم زين بس المشيمه منفصله وورانى اياها بالسونار
علما بانى حامل بتوام بعد علاج طوييييييييييييييييييييييييييييييييييييل وكل بيبي بكيس حمل مو مع بعض
وعندى كم سوال اتمنى انج تجاوبنى عليهم:
1-شنو سبب النزيف اللى مايوقف نهائيااا؟
2-شنو مضارة على حمالى والبيبي؟
3-شنو مضار النزيف على بالمستقبل في حال الولاده اذا الله كتب لى؟
4-الدكتارة اللى رحت لهم اجمعو على انى احتمال75%ولاده مبكرة بسبب النزيف وقالولى احمدى ربك اذا دخلتى السابع؟
5-صايرة معاى حكه بسبب النزيف لانى لى تقريباا 3 اشهر ماتوقفت عن استخدام الفوط لو يوم واحد وابي حل لها والحكه خارجيه بس؟
6-وانا خايفه الرحم ينفتح عندى واشلون اعرف؟
7-انا ما استخدم اى مثبتات وقفتهم قبل اسبوعين لان دكتورى سافرهل بيضرنى هالشي؟
8- صاير معاى ضغط يرتفع مع انى مافينى ضغط من شنو هل له علاقه بالنزيف؟
وشاكرة لج الرد اذا رديتى واذا ماقدرتى والله انتى اكثرمن اخت لى ومامرة سالتك ورديتنى اتمنى من الله انه يوفقج ويهديج ويرزقج من اوسع ابوابه
ويارب تفرح قلب كل انسانه محرومه وتعوضها يارب
