عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مراحب ياحلوين انا بقولكم السالفه وابيكم تساعدوني
احنا سلمكم الله جبنا خدامه اندنوسيه وهالخدامه كانت تشتغل عند ناس من نجران
ومره من المرات كنت قاعده احني شعري يوم شافتني نطت عندي وقامت تحكيلي قصة حياتها وهي كالتالي
تقول عند مدام اول (قصدها كفيلتها السابقه) ماكانت تحط حنا في شعرها لا هي ولا بناتها بس يحطون في شعورهم موس وشعورهم كثيييييييييييييييييره وناااااااااااااااعمه وطوييييييييييييله
قلتلها وشو موس
قالت ورق شجر اخضر ادقه زين زين واحط عليه مويه ويصير لزج بعدين احطه فالشمس وبعدين احطه في شعورهم وامشطه يطيح الورق ويبقى في شعرهم زي الزيت
يعني اذا حطت هالعشبه في شعورهم مايصير طبقه زي الحنا لا يصيركأنهم حاطين زيت
وتقول ان الحرمه اذا سافرت نجران تجيبه من عند امها لان امها زارعه هالشجره واذا جت الرياض تشتريه من اسواق حجاب الي فالنسيم
وتوته توته خلصت الحتوته
ومن يومها وانا اطارد من عطار لي عطار ماخليت عشبه
من حنا وسدر واس واكليل الجبل وكلها طلعت مب هي قلت يابنت الناس مافيه شي اسمه موس قالت الا مدام تسميه موس وشكله زي الورق الصغير وله ريحه تشبه الفكس بس خفييييفه
عاد انا طقت في راسي فكره بعد رحلت بحث مضنيه وغير مفيده وقلت يابنت نزلي موضوع يمكن احد من بنات نجران تقرا وتعرف الكنز المفقود قصدي العشبه المفقوده وتعلمنا بالسر الدفين وبكون شاكره لها من قلبي وبدعيلها ليل نهار
