السلام عليكم ورحمة الله وبركاته
أنا اليوم مقدمتلكم موضوع جدا رائع انتو شوفو واحكمو وابدوا رايكم وبشرط تكونو متميزين في كل قطعة أو اي حاجة تختاروها من اعمالي وكلها من تصميمي بس انتو الي عليكم انكم تختارو الشكل والتصميم واللون الي تبغوة وانا حاضرة على الي تامرون عليه .
الموضوع ومافيه انو كل وحده فينا تحب دايما التميز في كل حاجة والهدايا كمان فانا اصمم هدايا مرة حلوة وكلها ابداعاتي زي مثلا اطقم العرايس اسويلكم هيا من والى وأطقم العروسة وهدايا للمواليد وهدايا بناتي وتوزيعات سوابع وسلات للتقديم في المناسبات وتبسي للخطوبة ودفتر اتجراف واليكم الصور توضح كل شيء مع الشرح
1_أطقم العروسة يتكون من علبة مناديل وسطل وكراتين للملابس وسلات للتسريحة وعلاقات للملابس وشنط للملابس الداخلية وعلب للجزم اكرمكم الله وللشنط
2_ هذا تبسي عروسة للخطوبة يقدم فيه الطقم والدبل حسب الطلب وباللون المطلوب واذا عندك فكرة ممكن انفذها لكي
3_ اتجراف للذكرى في المناسبات اختار الللون والتصميم الي يعجبك وانا حاضرة لكل الي تبغيه
4_ سلة للتقدم تستخدم لجيع المناسبات السعيدة ويوضع بداخلها اي حاجة تبغيها
5_ سرير لتقديم هدايا التوزيع للمولود سواء الاشياء الي تتوزع من عندي او من عندك زي ما تحبي
6_ هدي برضو هدية للمواليد بس فكرة غير مرة حلوة عبارة عن عدة طبقات الطبقة الاولى فيها ملابس اطفال والطبقة التانية فيها هدايا صغيرة مرفقة بحلاوة وممكن طبقة ثالثة فيها مثلا هدية للام قميص او اي حاجة وممكن تحطي بدل اي طبقة اشياء للنونو شامبو ولوشن طبعا كل قطعة مزينة بالتل والورود وموضوعة بشكل مرة حلو ومرتب وكمان تقدري تجبي الاشياء الي انت تبغي تقدميها لاي مناسبه ارتبلك هيا بطريقة مناسبة وصدقيني الكل يسالك عنها ولا تلاقي زيها في السوق .
وفي النهاية معليش طولت عليكم الي تبغى يشوف افكار زيادة والوان غير يراسلني على الخاص وانا حاضرة وما اسمح لاي احد يسرق افكاري او يقلدني لانها كلها من تصميمي وارجو منكم رفع الموضوع ولو بدعوة واشكر جميع الفراشات الي مرو على الموضوع وعلقو عليه