عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
اليوم حل شي حز في خاطري وخلاني اعصب على امي واوقف في وجهها
بقولكم السالفه وانو احكمو
امي الله يهديها ويطول في عمرها تضرب اختي الصغيره عمرها 15 سنه
بحجه انها تبغاها تتعلم وتتربى وانها قليلة ادب
يعني امي الله يسامحها كانت تضربنا يالبنات كلنا
بس الله يسامحها
الحين هي تضرب اختي الصغيره
انا اليوم كنت زياره لها
واختي ردت عليها قامت امي شدت شعرها وضربت راسها بلجدار
وداي تضربها على وجهها او بشماعة الملابس او بملعقة الطبخ الحديد
اليوم كانت بتكمل ضربها
رحت انا وقفت بوجهها قالت توقفين بوجه امك؟
قلت لانها اختي يمه … وحرام عليك
قالت اني اقوي راسها وقامت علت صوتها وتدفني
مع انها تعبانه وعندها الضغط والسكر
وانا اقولها لاتضربيها عشان صحتك يمه
ولان الضرب يقسيها عليك ومايخليها تحبك
قالت لا بضربها الين تموت عساني اروح فيها
اختي رحت كلمتها بيني وبينها
قالت ان امي حتى ماتناديها باسمها دايم تناديها بسبة او تقولها يابنت الحرام
واذا صحيت وشافتها تقول اعوذ بالله من الشيطان
واذا ضربتها وراحت تبكي بعيد تقولها ابكي قدامي خل اشوف دموعك
ولما نكون مجتمعين تمد لكل وحده بالاكل الا اختي ماتمد لها بشي تقول اكرهها
قلت لها يمه انها مراهقه وتشوفك تعاملين الناس احسن منها
قالت انها هي ماتحترمني
قلت يمه بادري كلميها وقوليلها وش اللي يضايقك واتقربي منها .. مو راضيه وراكبه راسها
المهم انا اتأسفت لامي وخليت اختي تتأسف لها وتحب على راسها
بس والله لسه متضايقه من اسلوب امي
واختي قالت لي كلمه حزت بخاطري
قالت ياليت امي اللي ماتت مو ابوي 🙁
وش رايكم بالله ؟
