الي تبغى تعرف عن المستشفى البريطاني بالرياض…

كيفكم فراشات ؟؟؟
اتوقع فيه كثير مثلي محتارين وين يولدون فيه بأي مستشفى ؟؟خصوصا احد يمدح للمشفى وأحد يسبه يعني حييييرة

مالكم بالطويلة ..
رحت قبل أمس للمستشفى البريطاني واخذت معلومات عنه ..
طبعا هو اربعة اجنحة كل جناح له سعر المميز _والاميرة_ والملكة_ والامبراطورة
(اقلهن المميز سعره ب 6500 هذا اذا كنتي فاتحة ملفك فيه من بداية الحمل اما اذا ناوية ولادة بس يزيد 500 ريال (طبعا هذي الولادة الطبيعي اما القيصري الظاهر ب12000 وزيادة ….
السعر هذا وش يدخل فيه (من دخولك المستشفى عند الولادة واذا ولدتي تجلسين 24ساعة اذا تبين تجلسين زيادة فيه دفعة فلوس واذا صار لاسمح الله للجنين او لك اي شي نزيف …الخ وعطوك ادوية او للجنين فيه زيادة فلوس..
والخياطة ضمن الولادة بس اذا تجميلي زيادة 4000ريال
والاجنحة الثانية اذا تبون اسعارهن من عيوني جبتهم لك ..بس انا قلت اهم شي الواحد ياخذ فكرة عن المشفى..
وبالنسبة للخدمات الي تقدم بكل الاجنحة (( 1/فيه حرمة تخدم الضيوف وتصب لهم قهوة وشاي
2/فيه وحدة تسويلك مساج 3/وحدة تحط فيك ميك اب
4/عندك كاميرا تراقبين فيها طفلك طول الوقت وهو بالحضانة ..

في النهايةابقولكم المستشفى يقدم خدمات فندقية وهذا الي يميزه عن باقي المستشفيات
ومع هالمعلومات هذي انا الى الان محتارة وين اولد فيه مع اني فتحت ملف وعطوني موعد الاسبوع الجاي لاني باخر الثامن …بس بصراح هذا يصلح للي اهلها واهل زوجها بالرياض ييعني يبي يزورونها بالمستشفى ناس واجد يعني هالخدمات الفندقية بتحلل ابوهن .. اما انا لا أهل زوجي ولا اهلي بالرياض يعني وش الفايدة من الخدمات ابدفع فلوس بالفاضي 😡