الي تعرف حل للتأتأة ياريت تقولي الله يخليكم ياصبايا

السلام عليكم
كيفكن ياصبايا بحبكن كتير
يابنات بدخل بالموضوع دغري بحلفكم بالله الي تعرف الحل تقول وانا بدعيلها الله يوفقها دنيا وآخرة ويفرج كربها ويستر عليها آمين.
يابنات اليوم بنت خالتي اشتكتلي والله تقطع قلبي عليها والله ماعرفت بشو انصحها..ماعرفت كيف اخفف عنها..
بنت خالتي عندها مشكلة التأتأة بالكلام والله اليوم اشتكتلي وكانت تعبانة نفسيا والله قلبي وجعني عليها .. كل لما تلاقي شغل ماتقدر تشتغل لأنه بيعتمد عالكلام والطلاقة (هيه دارسة معلم صف) يعني مهنتها التدريس فقط.. والله عمرها 26 سنة وموقادرة تتخلص من التأتأة ..
التأتأة خانقيتها مانعتها من الشغل ومن الحكي مع الناس ومن انه تعبر عن حالها مابتقدر..
والناس مابيرحموا تعليقاتهم ومسخرتهم عليها..
والمدارس مابيشغلولها بحجة التأتأة..وأصلا هيه مستحيل تشتغل بوظيفة غير التدريس هيك عادات أهلها للبنات.
والله حالتها تبكي الحجر يمكن الي يسمعني مايسدق او يستهين بالموضوع بس اقسم بالله انه هالتأتأة مخربة عليها حياتها والله يشهد على كلامي.
بالله عليكم يابنات حلفتكم بالله تساعدوا بنت خالتي احكولي ازا في وحدة عندها نصيحة ..أو تجربة تخفف التأتأة أو تلغيهاااااا..ارجوكم هذه حالة انسانية والله البنت تعبت كتير.
والله انا بدعي للي بترد والله بدعيلها االله يحقق امانيها ويستر عليها دنيا وآخرة..
انتظر ردودكم.