عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحيا بنات حبيت أفيد الي تعاني من شعر خفيف عن تجربه والله شاهد علي اولا اي وحده شعرها خفيف وعندها صلع لازم قبل لا تبدأ بالعنايه بشعرها من زيوت وغيره انها تستخدم امبولات لفتح المسامات استشيري صيدلي عن امبولات لفتح المسامات وبعدها ابدي مشوارك للتكثيف والتطويل لان لو حطيتي الي تحطين اذا المسامات مسكره ما راح تكثف شعرك وما راح تشوفين اي تحسن
انا شعري مو خفيف والطول ماعندي معه مشكله يطول من غير معاناة لكن طماعه من ناحية الكثافه ابي اكثف شعري اكثر واكثر وماخليت شي من الزيوت بانواعها وخلطاتها بس لاحظت شي وباقوله لكم ان الزيوت تسبب ضعف لمنبت الشعر واذا ضغف المنبت تساقط الشعر<< اكتشاف نظريه
بتقولون من عصر جدتي واحنا ندهن شعورنا وكانت زينه وكثيفه اقولكم صح لكن الاول تحول الحين اغلب الزيوت تدخل فيها تركيبات تضر الشعر وهالكلام من خبيرة شعر رحت لها تقول لاتستخدمين زيوت لانها ما تكثف الا تسبب تساقط الا اذا زيت مسوينه بالبيت وهي تقصد انو الزيت نعصره وعلى طول عالشعر << هي اردنيه وعندهم الزيت يسونه بالبيت من الشجره الى الشعر وهالشي صعب عندنا فالزيت خليه منك ابعدي عنه ابدي مع الامبولات وهي الحل النهائي لتساقط الشعر
مابي اطول عليكم انا تاركه الزيت من فترة سنه وشعري على الامبولات وبصراحه أنصحكم بامبولات labo عن تجربه روعه بمعنى الكلمه للتنبي والله لو اقولكم ان شعري صار مثل شعر الاسد فيه قصاصات كثيره بكل مكان ودليل على بدايه زينه << قولو ماشاءالله
وبعد استخدم حبوب هير فيث استخدميها مع الامبولات وادعولي واهم شي ما يكون بشعرك قشره لانها هي الي تسبب تساقط فتخلصي من القشره اولا بشامو خاص وبعدها ابدي بالامبولات والحبوب والله يكثف شعركم جميعا
والامبولات الي قلت لكم عنها فيها درجات من 200 الى 700 انا اخذت اقل درجه لاني مو محتاجه كثير الحمدلله فالي تبي شعر كثيف ومنبت قوي عليها باختيار الدرجه الي تناسبها وبصراحه الاسعار غاليه تبدأ من 400 ريال الى 1500 ادري بتقولون غالي واقول لكم مافي شي أغلى من الشعر من ناحيتي واكيد انتم توافقوني بالراي على فكره ما أدري وين تنباع لانها مو موجوده بكل مكان انا اخذتها من صيدليه ومالقيتها عند غيرها فاسئلوا عنها أنا بحثت عنها بالنت ومالقيت لها شي لانها توها جديده وقويه ويمكن عشان سعرها غالي ما انتشرت كثير مثل غيرها لوس وفيجي
امبولات labo + حبوب هير فيث = شعر كثيف
اللي تعرف عنهاا وين تنباااع بالسعوديه تخبرني
راعيه الموضوع من الامارات
