امرأة تغازل زوجي بالمسجات الفاضحة

عزيزاتي أنا وايد مقهورة من هذي البنت سيئة الأخلاق يعني مسجاتها تخلي الشخص إللي ما يحب هذي السوالف يتعلق فيها طبعاً أنا ما أشك في زوجي لأن هو بنفسه رواني الموبايل وقال لي إن هذي المسجات من بنت واتصلت فيه لأن أول مرة ما عرف الرقم واتصلت في البداية تقول له إنت ( ) اسم شخص يقول لها أنا مب ( ) قالت له احلف انك مب هذا الشخص وصك في ويها وردت تتصل فيه كم مرة ما رد عليها وتمت اطرش لع مسجات وصخة أولها أحبك وبعدها أشعار غزل حتى المسجات أنا عيبتني فقلت كيف الريال. أول شي طنشت لكن بعد ما شفت آخر مسج تقول فيه أبيك تخلع لي ثيابي انقهرت من خاطري ما طاع يعطيني رقمها قال أنا بطلع الرقم باسم منو لكن من قهري خذيت الرقم وعطيته أحد من الأهل يطلع الرقم باسم منو ويتم تهديد الشخص من شركة الاتصالات فما أدري هل هذا هو الصح أو أطنش الموضوع ؟ انصحوني؟