عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مـرت تجـر العطـر والثقـل والـزيـن
وانـا مثـل كل..الشبـاب .. وقفـوا لـه
عطـره يـذر العطـر علـى البساتـيـن
ثقله يسولف عـن نسب..عـن.. حمولـه!
فستانهـا ذايـب بخصـره مـن اللـيـن
وخصره من الفستـان .. ياخـذ عمولـه!
ايـوالله انـي حـاسـدك .. يالفساتـيـن
ياحظك.. بخصـره ! بعرضـه ! بطولـه !
بعيونها سيـوف العـرب يـوم.. حطيـن
منها النفاذ .. ( بجلد قلبك ) .. بطولـه!!
اقفـت وانـا عيني..عليـهـا لهالحـيـن
مالوم عيني ( ياخـذ العقـل ) .. زولـه!ّ
وناديتها.. (( يامترفـه )) وبطـرف عيـن
قالت: انا .. قلت: ايه قالت:..(( امولـه ))
(( اموله )) ميّـة مرحبـا قالـت: اهليـن
(( اموله )) عندي بيـت ممكـن اقولـه ؟
قالت لي: قوله.. قلت: الانسان..من طيـن
اما انك انتي طين.. ماهي..( امْعقوله )..!!
انتـي اظنـك بالعـطـر .. تستحمـيـن
واجـزم بأنـك بالجـمـال .. امْغسـولـه
شوفـي شكـل شفايفـك .. قاهـر التيـن
والجمـر يكـوي .. والثمـان امْعسولـه
(( امولـه )) انتـي غير..كـل المزاييـن
انتي مثـل فصـل .. الربيـع وحلولـه !
قالت: منين؟ وقلـت لـه: يعنـي.. منيـن
ماتعرفين اللي ذبل.! .. ( من ذبولـه )..!
قالت وشسمك بس تمتمـت..(( ميميـن )
وآخر ثلاث حروف..(( دوح ))..امْغيوله…
قالت: معي للقاهره ؟ قلت له:.. ويـن ? !!
عادي.. تقول القاهره …( بكل سهوله )..!
(( امل )).. انا رجـال بلشـان.. بالديـن
ويني ووين القاهره… (( يامْهبولـه ))..!
اقسـاط.. وحسابـات.. والراتـب 2000
وحزمة مشاكل .. اتعبتنـي .. حلولـه ..
(( اموله )) روحـي لازم انتـي تروحيـن
انتي المطار مصاحبك .. مـن طفولـه..!!
و تذكرينـي عنـد .. الاهـرام .. تكفيـن
تذكـري حـال النحيـل.. و.. نحولـه..!
.
(( امولـه )) انتـي تذكـره لاتحجـزيـن
روحي (( كذا )) تستقبلـك اي دولـه..!!
