امي تصدني

ولا السلام عليكم ورحمة الله انا ماكتبت بهالمنتدى الا بعد ماضاقت بي الدنيااا ولا عندي حد اشكي له همي بعد الله الى به المنتدى لعل وعسى القى حل لمشكلتي اللي صارت شغلي الشاغل
اولا بعطيكم نبذه مختصره لأمي واخوي اولا امي انسانه متسمسكه برأيهاا حتى لو هي غلطانه تضل بنظرها وبنظر خواتي هي الصح لمده سبع سنين انا وزوجي اللي نوديهم ونطلعهم السوق نمشيهم نقول لهم ويش طلباتكم يعني اي مكان تتخيلونه مارفض لهم طلب كأن زوجي سواق لهم ويوديهم بنفس طيبه عمره ماتضايق منهم خدمتهم لمده سبع سني وولدها عمره ماركبها في سيارته طول الوقت يقلها سيارتي خربانه قلبها مايعرف الحنيه لي ماتعطف علي انا متزوجه وعندي ولد وبنت والحمد لله زوجي مخليني ملكه يحبني ولا يرضى على بأي شي الله يطول بعمره ويخليه لي هو اللي بقي لي بها الدنيااا اخوي انا اكبر منه ب9 سنين اقسم بالله مايحترمني ولا يحترم امي ولا يحترم زوجي ولا احد يمشي مع رفقاء السو ايش تتخيلونه من فساد يسويه عاااق من الدرجه الاولى لامي يقفل الخط بوجههاا يرسل عليها خواتي يقلهم قولو لها لاتتصل فيني ولا تدق علي وامي عاادي على قلبهااا زي العسل يوم من الايام دخل علينا ولد الجيران وقال لاختي البسي عبايتك ابيك بكلمه تحسب فيه شي دخلت اختي وقام يقول للولد ترى خواتي صايعات يدخنون ويشربون شيشه وام زوج اختي ترى علمت خواتي الدشره استغفر الله العظيم يارب يعنيني انا ان ام زوجي صايعه ويقول للولد زوجهاا يقصدني انا يخليها على كيفها تروح وتجي مايدري عنهاا والله العظيم يابنات ان الولد دنق وقال عيب عليك تتكلم بخواتك قدامي عاد اختي انهارت ولا عاد قدرت تسوي شي قذفني بشرفي حسبي الله عليه وقال للولد اننا ندخن والله يشهد اننا برأء مما يقول قال الود ترى اخوكم مو صاحي مايدري ويش يقول
انا انهرت يوم سمعت كلامه للولد واجي اشتكي لامي قلت له يمه تشوفين ولدك يتكلم فينا قدام الناس وانتي ماحرك فيك شي يمه فظحنااا يمه قال فينا الكلام ذا وانتي راضيه والله ياجماعه انهاا عطته 200 ريال وقلت له روح اشتري لك عشى وانبسط اتكلم وانا بقلي نار من شغل امي وسكتنا عن الموضوع وخلاص قبل 3 اشهر جيت عند اهلي مع السائق نزلت عليالي ببيت اهلي ورحت مع اخت زوجي لزياره مريض شافني اخوي وانا مع السائق قامت الدنيا وقعدت يوم رجعت صارت مشاكل على روحتي المهم وقالي بيتنا لاعاد تدخلينه برا من غير مطرود بلعت الكلام وسكت ثاني يوم امي متصله علي تسب وتخاصم وصوتها طالع من الجوال ماعندهااا اسلوب في التفاهم مره كله سب وشتم وقالت لي بيتناا يعتذر منك لاتدخلينه طالما انك تركبين مع سواق ياناس والله ماسويت شي يستحق انكم تطردوني من بيت ابوي الله يرحمه لو كان عايش مارضى على الشي ذا اللي يصير وامي كانت متصله على جوال زوجي عاد زوجي كان جنبي سمع كل كلمه امي قالتها لي الرجال شك بالموضوع قلي ويش قصتك مع السواق واهلك شاييفين شي قلت له والله مافيه ولا شي ادا مو مصدق اتصل على امي وكلمهااا اتصل على امي وتعالو شوفو ايش تقله زوجتك لاعاد تجيناا بالسواق قلها انا راضي ومافيها شي وهي راحت ورجعت والحمد لله ماصار شي قالت له ادا بتجينا مره ثانيه بالسواق انت اركب معاها وجيبها لاعاد تخليهااا تركب قلها انتم تركبون ليموزينات وماحد يقلكم شي قلت له حنا غير وقلها عيالك عندهم سيارات ولا شفت حد منهم يوديكم قالت له حنا غير عاد خواتي يحرشونهااا طول الوقت وانا طفح فيني الكيل رحت اعتذر منها واحب راسها واقلها يمه سامحيني اذا غلطت عليك وجبت لها هديه والله انها رمت الهديه ولا عبرتني وقلبي يتقطع من الظلم اللي اشوفه كل همها ولدهااا اذا رضى عليها رضت علي واذا زعل زعلت علي عمري ماسمعتها تقله عيب هذي اختك الكبيره ولازم تحترمهاا ومابي بينكم القطيعه ابدا واقسم بالله ماهتمت بالمره اخوي كل ماقام وقعد على اتفه الاسباب يقلي اطلعي برى وهي ماتتكلم خلاص انا ماعاد قدرت اتحمل كم مره يقذفني ماتتكلم كأنه عاجبهاا قمت قلت له حتى انت مابي اشوفك ببيتي دام اسلوبك كذا معاي عاد هي ولعت وزعلت وقامت الدنيا وقعدت ليش تطردينه من بيتك وهو ماسوى لك شي عاد انا انصدمت يوم تقول ماسوى لك شي قبل اربعه اشهر جا من برى فيه مصايب وشال انبوبه الغاز وفتحهاا بالبيت يبي يحرقهم والله العظيم ياجماعه ماقدرت تتصل بالشرطه كانه عاجبهااا والحين هي زعلانه مني وانا واقسم بالله الذي لا اله الا هو مارفعت صوتي فيها ولا عقيتها ويعلم الله اني احاول اني ابر فيها وهي تصدني والله انها ماتبي تشوف وجهي ولا تبي تسمع صوتي اتصل فيها تصك الخط بوجهي امس دقيت عليها ابي اتطمن والله انه يرن الجوال يعطيني بيزي وتخليه يرن ماترفعه اتصلت على تلفون الثابت لان مافيه كاشف رفعته من ثاني اتصال اقولها يمه وقلبي يتقطع ليش يمه تقفلين التلفون بوجهي قالت ماصكيته وقعدت تقلي اعذار ماتدخل العقل قلت له وانا مخنوقه يمه انا بنتك ليش انتي جافه معاي وماتبيني قالت تبين تتصلين اهلا وسهلا تبين تجين اهلا وسهلا ماتبين مع السلامه قلت لها وانا دموعي شقت وجهي شق قلت لها تبين تصكين بوجي قامت صكته بوجهي وانا بموت من القهر والظلم تعبت منهااا 3 اشهر على هالحال قولو لي ويش اسوي معهااا يعني انا حاولت وهي تصد كيف تبيني ابر فيها وهي ماتعاملني مثل ماتعامل اخواني تبيني اسكت على الظلم واجاملها ماقدر تبيه يقذفني ويدخل عليناا الشباب برضو ماقدر هذا ظلم وقهر ولدها تضرب له الف حساب وتفعد تدور رضاه والله ماعمرها صت الخط بوجهه ولا عمرها قالت له بيتي اطلع منه خواتي كلهم زعلانين عشان انها زعلانه مني ويبوني اصير مثلهم اسكت عن الظلم وعادي يسبني يطردني ماهمهم فيني انا اذا جيت عندهااا صكت اللمبه وانسدحت وعطتني ظهرهااا وانا قلبي يتقطع من الالم والحسره واقول عادي اصبري ياجماعه حسيت ان مالي داعي اجي عندهم وهم كذا خواتي كل وحده صاكه على عمرها الباب ولا كاني موجوده تعبت مره قلت اقعدي ببيتك واحسن لك قعدت ببيتي فتره شهر مارحت بس اتصل عليهاا وهي مره ماتبيني ولا تبي تسمع صوتي ولدها ادا جا تقعد تهمز رجوله وتقوله ويش تبي اطبخ لك ياحبيبي وو مادرى عنهااا والله مسويين انه رجال وهو من جنبهااا يضربون له الف حساب قولي ويش اسوي فيهااا بالله دلوني ياجماعه لاتخلوني انا بهم كبير مايعلم فيه الا الله طول الوقت افكر في امي وهي ماتبيني احساسي انها تكرهني وتستصغرني قدام اخواني والله العظيم ماعمري رفعت صوتي عليهااا مادري ليش زعلانه حاولت اتفاهم معاها ماتعطيني فرصه على طول تصك الخط بوجهي كل انسانه له كرامه وانا حسيت اني في اليوم الواحد اموت الف مره ماعاد صرت اتحمل لدرجه اني اعتذرت لهم وقلت ماعاد بجيكم مع السواق خلاص طالما ان هذا يزعلكم لكن برضو مافيه رحمه ويش اسوي بعمري اشق عمري واقلها يمه ذا يرضيك دلوني ياجماعه ايش اسوي وانا سويت كل شي عشان ارضيها وهي ماتبي هل اقعد ببيتي ولا عاد اجي عندهم الا ماندر مثل ماقلت لكم سويت كل شي علاقتي بزوجي صرت اجامله وماخليه يحس اني افكر فيها عشان مانكد عليه واخلي الحياه تمشي هذا كل اللي في خاطري وارجو القى تفاعل معاي ونصحي واسفه عليى ردائه التعبير والله اكتب ودموعي على خدي لاحد يجرحني باللكلام الله يخليكم انا تعبانه وماني ناقصه رد جارح الله يستر عليكم ويوفق كل من يدخل موضوعي انا كتبت كل شي باختصار شديد في امان الله