عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
بدخل بالسالفه على طول
عمري 16 سنة تقريبا
انا بنت مدلعه اتدلع على بابا كتييير وبابا يحبني كتيير وخاصة بعد ما اتوفت امي
بس بعدين سمعت انوا قرر يتزوج في البدايه ماشلت هم اعتبرت الموضوع عادي وقلتلو اللي تشوفو كويس سويه
بعد كم شهر نقلنا بيتنا الجديد بعد ماخطب بابا
تحت في غرفة اختي ومجلس وصاله ومطبخ كبير وفوق في غرفتهم وغرفه تانية لهم ومطبخ صغير
وغرفتي انا
احس بابا مقسم البيت ومضيقو علينا 🙁 وهما مقفلين غرفتهم والغرفه اللي بجنبها ومخلينلهم جناح خاص 🙁
وبابا دوبو مخلص من غرفتها بس انا غرفتي ماسوا فيها ولا شي بس جبلي مكيف فيها
وحاطط اغراض مطبخها في غرفتي
والله احس بالقهر ابغا ابكي ! احس بابا سسار يحبها اكتر مني
وكل ماقلتلو يبدأ يصرخ ويهاوشني ويقلي انا جايبها علشانك وتقوليلي كدا!! معع اني ماقلت حاجه غلط صح هوا مسوي غرفتها وجناحها وانا مو ومسويلي شي فوق لساتي انام عند اختي تحت
احس حياتي صايره جحيم خسرت ابويا مع انوا لسا عايش
والله انوا مايمر عليا اسبوع الا وبكيت فيه
ومفضلها عليا بأشياء كتير ، زي مثلا لما قلتلو جيبلي بلازما قال خلاص حتى هيا بجبلها بلازما كمان
وانا تخيلو بيجبلي 20 بوصه ! وهيا اربعييييييييين ليييشش لييش يسوي فيا كدا وهوا عارف اني احتاج حنان مو صريخ منو وهواش
احسني كرهت حياتي والله مو لاقيه احد افضفلو
اتمنيت انوا ماما اجهضت فيا ولا جابتني الحياه هذي
وما اقدر اتمنى الموت دحين لانو عارفه انوا ذنوبي كثيره
انا اسفه اذا طولت عليكم 🙁
