امي والشيخ يقولون فيك عين قويه مشورتكم حبايبي

بنوتات انا اشارك بالمنتدى كثير بعضويه ثانيه بس هالعضويه لمشاكلي الخاصه للحفاظ على الخصوصيه

المهم حبايبي

انا بقولكم قصتي

انا ترتيبي الثانيه من خواتي اختي الكبيره الحمدلله تزوجت والله يوفقها

لها تقريبا 5 شهور وشوي دعواتكم لها بالتوفيق والذريه

المهم يابنات امي امس قالت لي كلام ضيق صدري وادعي ربي انه مايصير صحيح وان ربي يرزقني بالصالح من عباده

قالت انتي ياسهاد كثثثير ناس من معارفنا ياخذون رقم البيت او جوال امي بس مايدقون

يعني اعجبهم ويسالون عني بعدين ياخذون الرقم وماعاد يدقون

ماقد صارت لك خطبه رسميه

الا مره وماصلح الرجال

المهم انا الحمدلله جميله وطولي حلو وشعري طويل وبيضا يعني مواصفات الكل يتمناها مو مدح بنفسي عشان اوضح لكم الفكره والحمدلله الذي احسن صورتي

اقولكم عن اللي اخذو الرقم ولا عاد دقو

من جهه خوالي 3 اشخاص

من جهه عماني شخص واحد

ومن جهه اهل زوج اختي 2

واخو صديقتي

من الجامعه بنتين معي بالدفعه ووحده استاذتي

وبصراحه انا مااحط بذمتي بس وحده من صديقاتي عندها مشكله كبيره برجولها الحمدلله الذي عافانا مما ابتلاها به واسال الله انه يشفيها

ودايم اذا جبنا طاري الزواج وصديقاتي يقولون سهاد اول وحده بتتزوج ماشاء الله وهي اشوفها عيونها تناظرني بقوه وبحقد وتستحقرني

انا بششوفها اليوم عادي اخذ من اثرها من دون ماتدري وهو بس مجرد شك وللمعلوميه بس انا شاكه فيها ولاجبت لاحد طاري حتى امي لان البنت ارحمها ومحد يدري يمكن نصيبها احسن من نصيبي

و قالت امي لازم نعالج حالتك وانك فيك عين قويه ومن هالكلام

انا احس كلامها كتم عل صدري ودقات قلبي تسرع قالت بوديك لشيخ يقرى عليك وانتي توكلي على الله

انا خلااااص خفت من كلمه شيخ اخاف اشوف ناس اتروع اخاف اني مااكون من اللي مايتسرقون الناس

وشرايكم بنات امي مررره ملزمه اروح الشيخ اليوم

ويصلح استغفر ربي من ذنوبي يمكن الذنوب تعسر الامور >>الله يهدي الجميع

واخذ من اثر صديقاتي ولا تحسونه لزوم مالايلزم

على فكره اختي كانت نفس الحاله بس امي دعت لها وسبحان ربي مايضيع احد