عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخير عالجميع (((هوه باقي في خير بهالدنيا استغفر الله)))
ياحريم انا متزوجه وكملت سنتين ونص وعندي ولد واحد عمره سنه ونص الحمدالله على كل حال وزوجي الله يخليه لنا عنده السكر من يوم هو 7 سنوات ومن النوع الاول وابوه متوفي من يوم هو صغير وامه عايشه المهم انا كان عندي علم اول ماخطبني انه عند سكر لاكن قلت واللي ماعنده سكر يمكن يكون مافي خير لان خطبوني ناس وهو بنفس الوقت وانا ارتحت لزوجي وقلت محد يضمن نفسه مايجيه سكر باي وقت والحمدالله زوجي طيب معي وحنون ولايقصر معي ومع ولده بالمره ويحب اهلي واهلي مبسوطين منه
المشكله يابنات ان امه ماتبغاني ((هي ب70 وتغار مني صدقوني من اول ماتزوجت وهي ماتحبني وماتبغاني طبعا ماقد قالت لاكن انا بشر واحس هي ربت زوجي وتعلقت فيه لانه الصغير ولما تزوجته صارت تعاملني كاني سرقته تخيلو
بعد سنه بدت تتكلم فيني عند اخوان زوجي اني ما اكلمها ((طبعا اهل زوجي من النوع الجمعات دايم شبه يوميه بس هي تبغى اكلمها يوميا بالجوال لاحول ولاقوه وصارت تشتكي مني وتطلعني غلطانه
وترا انا تزوجت ولدها وعمري 19 يعني صغيره وتحملت مسوليه ماني قدها واهتميت بزوجي وولدي
وصرت مو بس زوجه صرت ممرضه انا اعطي زوجي الابر الانسولين دايم يعني المفروض يشكروني مو يزعلوني الله لايوفقها بس زوجي يستاهل
المهم ((لما تصير مشاكل ويتلقفون علي ويحاولون يخربون بيني وبين زوجي ازعل بس ما كبر المو ضوع عشاني احب زوجي المهم لانهم دايم يرفعون ضغط زوجي تاثر بارتفاع السكر وصارت عينه تنزف دم نزيف داخلي وصار مايشوف *****ايه مايشوفني انا وولده وهنا كانت اصعب ايام مرت بحياتي خلاص زوجي فقد نظره بسبب العصبيه وغثا اهله المهم انا كرهتها وحقدت عليها وعلى اولادها
قررو له عمليه وتخيلو الرعب اللي عشته يمكن تنجح ويمكن لا وانا توني ماتهنيت فيه ولا هو تهنى
استراحه ((((الله لايوفق اللي كان السبب الله يكون في عوني وعون زوجي وينتقم لي منهم في الدنيا وفي الاخره ))سواا العمليه ولا شاف شي بعد شهر بدت عينه تطيب والحمدالله يارب رجع له نظره بمعجزه الهيه وهذا كلام الدكتور ماكان متوقع نجاحها وتخطينا هالمرحله وصرنا نعيش حياتنا مبسوطين
المهم ان اخوه الكبير ارسل رسايل لزوجي يقول امك ماهي راضيه عنك وزوجتك اخذتك منها تخيلوووووووووووووووووووووووووووووووووووووووووووووو وووووووووووووووووووووووووووووووووووووووووووووو
خير ياناس ماعاد احد سيتحي يعني وانت ماتمشيها ولا انا اكلمها يوميا ومن ثقاله الدم انا ماهمني الاان زوجي عصب منها لان يابنات كل يوم يوديها السوق واذا ماوداها يروح عندهم يزورهم باستمرار ويتكي عندها بعد
انا انقهرت هنا لان ارتفع السكر عند زوجي والدكتور قال تبغى عينك مايرجع فيها شي حافظ على السكر
وامه تتدلع علينا
بعدين عرفت ان امه قالت لبنتها الكبيره وبنتها عندها بنات ماشالله شاطرين ومودبات اخلاق راحت تقول انتبهي لبنتك فلانه لاني قلت لها انها بس عالتلفونات في غرفتها ياويلي ياناس قسم بالله اني ماقد طلعت عندهم فوق ولا ادري وش يسوون البنات فوق وتبلتني امه عشانها بس ماتبغني الشكوى لله
قالت لي امي لاتسكتين هذي صحه زوجك كلميها قولي ليش تسببي لي مشاكل
قررت اني اروح عندها واكلمها وفعلا رحت وسحبت ولدي وهو توه نايم المهم وهناك حصلت الكارثه
بس قلت لها انتي لش ماتبغيني ولاتحبيني ودايم تتكلمين عليه وانا ياناس اتكلم باحترام كل هذا بحضور زوجي قامت تصرخ علي وعصبت مررره وتقول انا امه انا اللي اهتميت فيه مو انتي وانا اقول لزوجي وهي تصارخ سكتها وهديها حنا جينا نتناقش وهي مو راضيه تسمعني زي الثور الهايج لايمكن الثور احسن بعد
وقالت لزوجي انت منت رجال لو انك رجال كان مانت ساكت يابنات انا هنا قلت خلاااااااااااااااااااص
انا باخذ ولدي وبروح لاهلي وانتي الله يبارك لك بولدك تخيلو ضحكت كنها فرحت المهم بدا زوجي يكلمها ويقول حنا جينا نتفاهم معك ليش دايم زعلانه من زوجتي قامت انقهرت منه وقلت لها حرااام عليك لاترفعون ضغط زوجي عشان عيونه قالت الله لايرده جعله يتنوم في المستشفى قلت خلاص ليش هالعصبيه لو يرتفع السكر عند زوجي جته جلطه ومات قالت وبكل وقاحه مع السلامه انا ماعاد ابغاه ولاهو بولدي اصلا
لاحول ولاقوه الا بالله هالحين رحنا نتفاهم ونرضيها وهي مو عاجبها شي وزعلت زوجي وزوجي المفروض ما يعصب وقلت لها حرام عليك تدعين على ولدك ترا عنده ولد وقمت ابكي وقالت يالله خذ زوجتك وولدك واطلعو برا قالتها باسلوب ينرفز قامت وفتحت الباب وتصرخ زي البزر اللي يبغى حلاوا انا هنا خلاص ماعاد ابغا اناقشها قهرتني الله ياخذها اخاف يصير في زوجي شي من تحت راسها وهي ماهمها وش اقول وش اخلي يانا س طفشت مليت العيشه مع اهل زوجي ناس منافقين مافي حب مافي احترام
وش اسوي اروح عند اهلي واترك زوجي عشان امه تنبسط ولا اعلم ابوي ولا ماعاد اقدر افكر
وبعدين ما اتخيل نفسي اقابلها وهي طردتني انا وولدي
الله لايسامحها نكدت علينا عيشتنا المفروض تنبسط اذا شافت ولدها مرتاح في حياته مو تغار مني وتجنن زوجي استغفر الله استغفر الله الله يعين عالجاي
