انا ألحين أكلمكم من لندن :::: فيه موضوع مهم لازم الكل يعرفه :::::::::::::::::::::::

السلام عليكم و رحمة الله و بركاته
و الله يا فراشاتي لكم وحشه
ان الحمدلله سافرت لندن لعلاج العقم … مصاريف المستشفى فقط على حساب الحكومه
توكلنا على الله .. و تسلفنا و حالتنا حاله عشان نسافر لتحقيق الحلم
الكل قالوا لي روحي منطقه عربيه ارخص … لكني قلت لا . أبي لندن لاني اعرف بنات شكثر تعالجوا فيها و الله رزقهم
و صارلنا تقريبا اسبوعين في لندن
و احنا تبع الدكتور كيعقوب خلف مصري
انسان حبوب و محترم
في مستشفى جايز
عند محطة لندن بريدج : الانرجراوند
أمس سوى لي منظار رحمي و بطني
تخيلوا شنو اكتشف ؟؟؟؟؟؟؟؟؟؟؟
طلع فيني زوائد لحميه في تجويف الرحم 😎
والله يا بنات اني كنت بالكويت أقول ل الدكاتره سوا لي منظار
يقولون : انتي سويتي صبغه و طلعت الانابيب سليمه .. خلاص المنظار ماله داعي تسوينه 😆 🙂
قلت لدكتور يعقوب : الدكاتره قالوا الانابيب سليمه ماله داعي المنظار
قال : فعلا الانابيب عندج سليمه لكن عندج زوائد لحميه شلناها …. يمكن هي اللي تمنع التصاق البويضه بالرحم
و الله اعلم
أدعوا لي يا بنات احمل و ابشركم بخبر حملي و أرجع الكويت و انا حامل 😉
أنصح كل البنات يسون منظار ل الرحم و البطن
اللي حابه تستفسر عن اي شي تتفضل
انا تحت امركم )