انا دايما الجألكم بعد الله والله يا اخواتي لا تتركوني في مشكلة طفلي

خواتي والله العظيم اني دائما اجد عندكم الصدر الرحب والحلول المناسبه وان شاء الله دائما جذي واي وحده مرت بالي مريت فيه وحلت مشكلتها مع طفلها تساعدني خواتي انا طفلي الان عمره سنه واربع شهور الله يخليه اهو الطفل الاول وانا عمري 34 والله اني مو قادره اتحمل بكائه وايد يبكي يبكي ويحن ويصاااااارخ ويبي يلعب بكل شي وان مسكت عنه الشي يبكي بدون انقطاع لدرجه اني تعودت خلاص كل يوم اضربه واصارخ عليه واهو يزيد يزيد البكاء ما اكو فايدة فيه والله اول ما يقعد من النوم استقبله واحضنه والمه والاعبه بعدين تبتدي شقاوته وعصبي عصبي مرات اسكت عنه يصاااارخ علي يصير ووجه احمرررررررررر ويحذف الاغراض
نبي نتغدا نتعشى ما نقدر السفره يتلها ويحوم حولينا مجننا ومطلع عيونا ومن كثر مو مجننا ما يخلينا ناكل على راحتنا انخليه عند الخدامه بهالفتره طبعا اهو ينام معاي بغرفتي وانا مو مخليته عند الخدامه

متعبني وايد وايد مرات نقعد انا وزوجي نضحك ونسولف ما يخلينا الا يعكر صفوو حياتنا بدون سبب يعني مثلا يكون كل شي تمام الاكل واللبس والنظافه وهم الاهتمام يعني هم نهتم فيه هم يعصب هم نطشت فيه هم يعصب هم نلعبه هم يعصب

شنو اسوي وانا ما ابي اضربه وطنت انتقد الامهات الي يضربون صرت انا اضرب وتعبت نفسيا معدتي قامت اتعروني لانه اتعب نفسيا ويقولم يبكي يبكي ويسكت وانا اصارخ عليه بعدين ينام وارتاح بس اقعد الووم نفسي