انا طبيعة بشرتي غير عن كل البنات اللي في الدنيا

انا طبيعة بشرتي غير عن كل البنات اللي في الدنيا
تدرون ليه..
اذا انا نفسي للحين مو عارفه كيف اتعامل معاها زهقت والله
كل ما اشيل شعري يدي ..بعد باسبوع من الازاله او كم يوم بس تطلع لي حبوب وحساسيه وحمار حكه وتستمر فتره اسبوعين او اكثر وحبوب كبار كانها حب شباب و تترك اثار وراها حتى بعد ماتنشف

يعني اشيل شعري يديني من هنا واجلس اعالج التشوه الحاصل بيدي من هنا لمدة شهر
زهقت والله من هالشي
مرت على فتره مااشيل شعري والبس باكمام طويله
لاني فعلا مو لايقيه الحل.. المشكله مو تحسس بعد الازاله يعني حمار ويروح بنشا بارد او حليب او عسل
لا مو هذي مشكلتي مشكلتي تبدا بعد الازاله ب4 ايام او اسبوع يعني مع طلوع الشعر
وبالهفتره تكون يدي مشوهه حبوب كانها حب شباب وحكه وحمار واحاول معها بكل شي
عشبة المره مافي فايده
زيت زيتون.. مانفع بعد
كريم الفاكورت مافي فايده
كريم ريا كورت مافي فايده
كريم فيوتازول تحسن طفيف لا يكاد يذكر
وجربت كريم ريو مافي فايده

وبعد ما تنشف الحبوب تترك وراها اثار تشبه اثار حب الشباب وسواد
وبعدها تبدا مرحله علاج الاثار اللي تمتد شهر او اكثر مع كريم رتن ايه والفا كورت
وطبعا بعد كل هالتعب الاثار ماتروح كلها ..لكن يخف التشوه بدرجه40% بعد كل هالمعاناه
والاكيد اني في هالفتره مااشيل الشعر لمده شهر او اكثرر _يعني فتره العلاج من الحبوب والاثار
وبعد ماتتحسن بدرجه 40% اخاف اشيل الشعر وتتكرر نفس المعاناه

والله ان مشكلتي مشكله احسها ابتلاء من الله
او عين.. حسد ماادري
زهقت منجد
ماني عارفه كيف اتصرف مع بشرتي.. ودي اقطع يديني واخلص منها
وطبعا هالشي يصير سواء مع الموس او الحلاوه او الماكينه
يعني مع كل الطرق نفس المعاناه