عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
كيفكم بنات
زي ماهو واضح في العنوان انا مو ندى الفجر انا قريبتها بس استعرت معرفها
المهم بستشيركم في شي وابيكم تحكمون مين معاه الحق انا ولا زوجة اخوي
بحكيكم بالتفصيل عشان تحكمون بالحق
اخوي متزوج من 11شهر تقريبا
بدت المشكله من شهر
جيت بيت اهلي وطلبت من اخوي يطلع لزوجي سيارة باسمه
قلي بشوف جيت بعد اسبوع وزنيت عليه لين ماوافق
صار زوجي كل يوم يدق على اخوي في اليوم اكثر من 5 مرات
يزن عليه عشان يروح يوقع الاوراق حتى الساعه 3الليل يتصل عليه
طبعا انا عادي عندي يتصل عليه في مثل هالوقت
المهم اخذها بنظام الايجار يعني يسحبون من راتب اخوي وزوجي يسددها له
المهم شهر يوم 20/12 سحبوا من راتب اخوي اخر500 في حسابه
يعني باقي عن الراتب 5 ايام
المهم اخوي دق علي قلي ابي منك سلف 50ريال بمشي فيها حالي لين ينزل الراتب
علما اني انا مدرسه
اعطيت اخوي الخمسين وقلتله يوم 25تكون الخمسين في يدي قلي حاضر
جاء يوم 25سحبوا من راتب اخوي القسط حق السيارة
2300ريال علما ان راتب اخوي4000 اوكي
دق علي بعدها بكم يوم قالي والله سيارتي تعطلت علي وسويتها بألف
ومقاضي البيت وكذا أبي فلوس القسط اللي سحبوها قلتله طيب
وماعطيته مرت 3 ايام قام دق على زوجي قله ابي الفلوس
وماعطاه وزوجي يوم راح يطلع السيارة سدد المخالفات اللي على اخوي قيمتها3000
واخوي قله انا مالي دخل فيها ماعندي دحين امكانيه اني اسددها قله زوجي خلاص انا بسددها
المهم قبل البارح جيت بيت اهلي واخوي ساكن معاهم بنفس البيت بس بشقه منفصله
سولفنا شوي ومابقى في الغرفه الا انا واختي وزوجة اخوي قامت زوجة اخوي
قالتلي يافلانة وش صار بالموضوع قلتلها اي موضوع قالتلي فلوس القسط
قلتلها انتي مالك دخل اطلعي منها هذا شي بيني وبين اخوي
قالت لي لا معليش بس احنا مزنوقين هالشهر واخوك مستحي من كثر مايكملك
كنه يشحت منك ماكنه يطلب حقه قلتلها ماباقي لكم عندي غير50ريال
قالتلي ليش قلتلها 1700سددتها لخوي فلان مو اللي طلع السيارة لا واحد ثاني
وخمسميه بقسط منكم حق المخالفه قالتلي لا حبيبتي معليش
احنا هالشهر تجمعت علينا من كل صوب قمت صرخت عليها ورفعت صوتي
قلتلها لا مالك دخل ومو شغلك هالكلام قالتلي بنفس حدت صوتي بس انا مرتبطه بجمعيه والناس يبون فلوسهم قلتلها مالي شغل زوجك يدبرلك قالتلي من وين يدبرلي وفلوسنا عندكم
قلتلها انا مو مسؤله زوجك اللي مسؤل عنك
المهم ارتفعت اصواتنا واللي قاهرني اختي واقفه في صفها
طلعت انا من الغرفه أبكي اخذت عبايتي وناديت على زوجي وطلعت جلست في الحوش ابكي
جاء اخوي الكبير قلي ليش تبكين قلتله بالسالفه وقف معايه ضد زوجة اخوي
ليش تتدخل بيني وبين اخوي قالتله والله يابو فلان الوضع كذا وكذا
وهي يوم انهم يبون السيارة النوم ماكان نتهنى فيه من كثر ازعاجاتهم واتصالاتهم
هي وزوجها ودحين كيف يوم جيت انا كلمتها ماعجبها
قال صح وطلع بيته وانا زعلت وروحت وانا مقهورة من هالمعفنه زوجة اخوي
شوروا علي وش اسوي ومين الغلطان انا ولا هي؟؟
