عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيف الحال كروشات
طبعآ الولادة رعب كل فتاة يمكن من هي صغيرة ويزيد يوم تكبر وتتزوج ويكتملللللللل الخوف عند الحمل
طبعآ الكل يخاف من الولادة بس البكرية اكثر لان الانسان يخاف من المجهول
بس الخوف شعور نفس الغضب نفس الفرح الانسان يقدر يسيطر عليه وطبعآ فيه امور تزيده ومنها :
الاقاويل المزيفة وانا من هنا اوجه “رسالة” لكل امراءة تكتب تجربة ولادتها والي تصورها بفلم الرعب زي مايكتبون والي تقول ماساءة ولادتي والي تقول عنها الموت مع انه السنة الثانية تجي وهي حامل كل مافي الامر انها خوفت وارعبت اخواتها اقولها قل خيرآ او اصمت وحاولي انك تعطين اخواتك نصايح يستفيدون منها وقت الولادة يعني قولي تفاصيل ولادتك من غير ماتوصلين لها احاسيسك السلبية لانه يختلف من شخص لشخص
الخوف شي بسيط وممكن نتغلب عليه لاكن كل وحدة عندها اسبابها الي تزيد الخوف او تقلل منه
طبعآ لازم الوحدة تتجنب كذا شي عشان تقلل من خوف الولادة ومنها :
1_ تبتعد عن القصص وخصوصآ الي عناوينها كئيبة نفس ولادتي المرعبة , ولادتي المحزنة , ماساءة الولادة , ,,,, الخ
2_ لاتحاولين تتخيلين او تتصورين الولادة وكيف رح يكون الالم وكيف رح يطلع البيبي وكيف رح تصير الخياطة لان كل هالاشياء انتي مابتحسين فيها وقت الولادة
3_لاتفكرين فيما بعد الولادة يعني لاتقولين يمكن الخياطة تعور كيف راح ادخل الحمام الله يكرمكم او ك يف رح اكون بعد ماخلص وارجع لزوجي
4 _ التفكير بطريقة ايجابية
ويشمل كذا خطوة
1_ تخيلي انه بعد هاذي اللحظات من الولادة والصبر بتشوفين طفلك المنتظر 9 شهور بتشوفين شكله وملامحه وبتشلينه وتخيلي فرحة ابوه وفرحة اهلك فيكي وفرحة صديقاتك وخلي هالشي في بالك في كل لحظات الولادة ارسلي لنفسك هالمسج قولي كلها لحظات بتحمل وبساعد نفسي وبعدها بتكون الفرحة الكبيرة
2_ حطي مبداء في بالك انه كل الامهات تولد وكل البشرية الي في الدنيا جات عن طريق الولادة كيف هالناس تحملت وولدت وجابت واحد واثنين وعشرة ووخمسطعش وماصار فيها شي !! ان هاذي سنة الحياة وشي مقدر على بنات حواء وتستطيع كل مراءة تحمل هالالم
3_ تذكري سابقآ كيف الامهات كانو يولدون وكيف كل ام تجيب عشرة واكثر بدون مساعدة في مكان ماتتوفر فيه اي وسائل الراحة بدون خبرة بدون معلومات وانها كانت ماتخاف من الولادة وتعيد التجربة مرات عديدة وكيف انه انتي بتولدين في مستشفى على سرير مريح في مكان مكيف مع دكاترة يساعدونك كل مافي الامر تنسدحين وتدفعين وهم يسون كل شي عنك مع كل خيارات الراحة من بنج وكمامة وابر تخفيف الالم وكمان ولادة بدون الم يعني لو احتجتي وتالمتي لو شي بسيط بتلقين الي يخفف عنك
4_ ثقي بالله عزوجل وتوكلي عليه وتقربي منه وتاكدي انك مابتحتاجين احد ومابتضيعين وانتي معك رب العالمين تصدقي بنية تسهيل الولادة وحطي هالشي في بالك وقولي باذن الله راح تكون ولادتي يسيرة لاني تصدقت ولاني دعيت ربي وناجيته وقمت الليل وقريت كتابة
وانا ابغى كل وحدة تدخل ترسل ايحاء واشارات لعقلها الباطن انها موخايفة” وتقولنا مو خايفة من الولادة” وانه باذن الله رح تكون ولادتها يسيرة وممتعة وابغى كلنا نتساعد ونحاول نخفف عن بعض هاذي المخاوف كل وحدة تقول شو اكثر شي مخوفها وياريت الكل يتعامل معها بطريقة تريحها وتطمن قلبها وتخليها تدخل الولادة بقلب مطمن
واخيرآآآ اعتذر عن الاطالة واسئل الله لي ولكم الولادة اليسيرة الستيرة في لمحة بصر ولاتنسين اختي تدعين لكل اخت في الدنيا بالذرية الصالحة
