انا واختي …طبيعي ولا لا؟

مشكلتي مع اختي انا اموت فيها واحبها من كل قلبي
هي اللي ربتني تقريبا وعمري ما قلت لها لا
احيانا اعرف انها غلط لكن كنت اسايرها لاني احبها ولا ابي ازعلها
وكنا مرررره قريبين من بعض
وانا ما ارتاح الا لها ولبناتها
لكن تغيرت مدري ليه
صرت اناا بس اللي اكلم
انا اللي اسال
هي ما ترفع السماعه علي
حتى لو اجلس شهر
واحس انها ما تبيني
اكلمها ميتين مره وما ترد الا بعد المليون
هل هذا شي طبيعي ؟؟؟؟؟؟؟؟؟؟
يعني لو انتي متعوده ان اختك تكلمك يوميا وبعدين تنقطع اسبوع بالله ما تكلمينها تقولين وش فيك؟
اصلا هي ما كانت كذا
بس لما كبرو بناتها مدري وش صار لها
كنها تقول لا عاد تقربين مننا
والادهى والامر وهذا اللي جرحني
انا لي ما حملت 5 سنوات
وهي الوحيده اللي اكلمها بمشكله حملي وكذا
واقولها وش بسوي وش صار
لما تزوجو بناتها
صارت تخبي عني ان بناتها حملو عشان خايفه من عيني 😐
اول مره قلت يمكن هي ما تبي تجرحني
لكن بعدين تاكدت انها تخاف مني
مع ان عيني ماهي حاره 😆 🙂 ودايم اذكر ربي وانا ماني من هالنوعيه اطلاقا لكن حريم !!!
وصارت تسوي اشيا زي كذا معي
وكنت طول هالفتره وانا اقول من حقها يمكن خايفه على بناتها
مع ان علاقتي ببناتها مره قويه
وعلاقتي فيها اقوى
بس سبحان الله
اللي خلاني فعلا ابي ابتعد
ان ولدها كلم امي وقال انها سوت عمليه
وانا طبعا ولا فكرت تقولي
امي تضن اني اول من يدري بحكم علاقتنا فكلمتني تسالني
انا صعقت من خوفي والله اني كنت واقفه وجلست رجولي ما قدرت اشيلها
رحت وكلمتها خوف عليها
ولا ردت رحت وكلمت ولدها
قلت كيف اختي
قال هذا هي تسولف وتضحك
واسمع صوتها تضحك!!وعندها صوت وباين انها يعني ممكن تدق تطمن او الا قل ترد
طبعا عطاني اياها
تحمدت لها بالسلامه
وقلت ليه ما قلتي قالت ما حبيت اخوفكم
كل هذا وانا عادي متعوده على هالحركات
المصيبه قلت انا بجيك بكره قالت انا بطلع بكره”””مع انها مستحيل تطلع “”بس تصريفه
قلت اوك خلاص مع اني بمنطقه ثانيه ومتعنيه عشانها
شوي كلمني ولدها متوتر وقال لا تجين امي بتنام
قلت اوك

وش هالدنياء اللي كل يوم انصدم لي بشخص
انا ضااااااااااااااااااايقه