عالم البنات النسائي كل ما يخص المرأة العربية من ازياء وجمال والحياة الزوجية والمطبخ
حالتي الدينيه الحمدلله اقرب للاتزام
متزوجه بدون اطفال
ربة منزل
اتبع رقيه
كل احلامي ماكنت افكر بشي
بس هلاحلام مااحلم بها الا ويحدث شي ساخبرك به بعد التفسير لا اريد ان اربطهم ببعض الا بعد ان اتاكد من تفسيرك
هي عدة احلام وكلها نفس المضمون
حلمت اول مره اني واقفه ومعايه اختي واقفه قدامي بس مو قريبه مني وفيه فتحه قدام رجلي اليمين بس مو كبيره هالفتحه ويطلع منها صراصير كثيره جدا وباحجام مختلفه ويطلعون بسرعه وبكثره مره بس ماقربو مني وقمت من النوم مفجوعه
الحلم الثاني حلمت اني منسدحه ع جنبي اليسار وحطه يدي الذارع تحت راسي وكاني بنام والغرفه مره فاضيه بس مفروشه ومافيها اثاث واطالع الا فيه صرصور بعيد عني ومقلوب ع ظهره ويحرك رجوله يحاول ينقلب وانا خفت منه وقمت مفجوعه بهرب وقمت من النوم مفجوعه مره واسمي وانا معرقه حيل وخايفه
الحلم الثالث وبنفس الصيغه بصراصير
حلمت اني كاني مسدوحه نص سدحه وجالسه الا فيه صرصورين ع راسي وطاح واحد منهم ع صدري بما اني نص سدحه والثاني باقي ع راسي وقمت بسرعه عشان يطيح مني وطاح وكنت مره خايفه < ذا الحلم كان خلال ايام الرقيه مع الشيخ بنفس اليوم الي رحت للشيخ
الحلم الاخير يوم الاربعاء ذا حلمت اني جالسه اتعشى انا وامي وحاطين سفره نتعشى وكانهم حاطين معلبات ونواشف وانا بيدي شاورما واكل منها وبالسفره امي ع يساري وواحد من اخواني بس مو جالس ع السفره واقف يبي يجلس ويناظرني ناظرت غريبه وكانه يناظرني بنظره مو زينه ويحاول يلمس جسمي(( اتمنى فهمتي )) اشوي الا اشوف صرصور بالسفره يمشي بسرعه عليه فخفت وقمت اركض بهرب منه وهو يلحق ورايه وانا مرعوبه مره وهو يطير واهرب وهو ورايه وصرت الف حول السفره منه واطلع برى الغرفه اشوي الا اختي الكبيره تناديني تقول تعالي خلاص قتلته جلست عليه وموته لا تخافي وفعلا قامت ولقيته ميت تحتهاوفرحت ورجعت الا اهلي يقولو لي تعالي شوفي زوجك صلح بيتك و الحلم طبعا كان ببيتي الغرفه الي حلمت نتعشى فيها كانها غرفة نومي انا وزوجي بس فاضيه كانها صارت غرفة معيشه ودخلوني اهلي الحمام الله يكرمك وزوجي يوريني وكانه صار يجنن كله ابيض وكبير مره ماكانه حمامي وحط لي حمام عربي يجنن ابيض وحط بالجهه المقابله حمام افرنجي كرسي حمام يعني والحمام مره كبير ووراه مغطس وكان فعلا صاير حمامي كبير ويجنن وابيض ويلمع والبيت عدله لي ع كلامه بس مالفيت البيت كله وانا فرحانه بتغير البيت وقتل الصرصور وقمت من النوم
كل احلامي تتكرر بالصراصير ومو عارفه ليش وبنفس الايام يصير شي لو فسرتي لي خبرتك الشي الي مو مطمني
