عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صبحكم الله بالخير
مشكلتي بالترتيب
واتمنى القا حل اكيد عندكم
لاني اعرف اكثر ردودكم حكيمه وعقلانيه
امس الخميس صحينا الظهر
جهزت الفطور وفطرنا
الساعه 3 قلت لزوجي ممكن تنقلي التلفزيون في غرفه البنات
قام ونقل التلفزيون
لاني كنت ابي انفض الصاله كلها غبار وقلت ماابي احد يدخلها
الساعه 4 العصر بعد مانقل التلفزيون
اتجهز عشان يطلع من البيت وهو شايفني معاي الممسحه والخرقه وقاعده انظف الصاله
طلع من البيت
بعدين اتصل علي قال
خلي وحده من اخواتك تجي تساعدك او خذي شغاله امي تساعدك
قلت انا
لا ماله دااعي انا بسوي شغلي بنفسي ماارتاح لاحد واللي مااخلصه اليوم بخلصه بكره
راح سكر السماعه
بعد ساعتين
تقريبا بعد صلاه المغرب
اتصل اخوي علي
قال وش تسوين
قلت انا قاعده امسح السراميك
قال بغيتك بموضوع
قلت والله مو فاضيه
قال الا ضروري وابجي اخذك بعد عشر دقايق
قلت اوك على مضض
لما طلعت مع اخوي
قال اخوي ان زوجك جا العصر واشتكى منك يقول انك وصخه وماتهتمين بالبيت وان نضافه البيت زيروووو
اول مااخوي قال الكلمه ذي
حلفته ان نرجع البيت بغيت اوريه البيت
ورجعنا وشاااف اخوي البيت
اول ماشاافه قال اصلا انا دااري انه كذاااب
لان اصلا اخوي احيانا يجيني على غفله ويشوف بيتي نظيف
شوي وجا زوجي وقعدنا مع اخوي وعاد نفس الكلام اني وصخه وكذا
وانا قلت له
الله ياخذ عمرك ان كنت تكذب
انا ادري اني غلطانه بالكلمه
بس والله استفزني ويمكن قلتها لاني ادري انه يخاف من الدعوه
المهم قام من المجلس وخلاني انا واخوي ولا كمل كلامه
انا يابنات جلست امس ابكي الين ماختفت عيوني من التورم
اللي ذا بحني انه طالع من البيت وانا انظف وقال خل احد يساااعدك
والشي الثاني يقول ان اكلي مو نظيف
والله يابنات اني اطبخ دجاجه على الغدا انه ياكلها كلها ويقول ابي اوقف مااقدر
واحيانا من كثر ماياكل مايقدر يقوم يغسل اجيبله الصابون والمويه في طاسه ويغسل وهو قاعد
والله انه داايم يغلط علي بس ماقد فكرت اشتكيه لالامي ولا لامه ولا لاي احد
واذا غلط اتذكر ايجابياته واحتسب واسكت ويشهد ربي على كلامي
ترا يابنات انا حامل وعندي ضعف في عضلات الرحم وتوسع بعنق الرحم يعني كل مازاد وزن الجنين كل مازاد الوضع خطوره وعندي ارتفاع ضغط مزمن
بس والله اني ماقد اخذت ذا الشي عذرولاني مريحه عمري
والله اني امس مغسله 4 بطانيات بالبيت ولا رحمت نفسي ابد
ابي حل معه لانه دايم يظلمني وانا مو مقصره ابد بالبيت ولا معاه
بس انا ماخذه شي مريحني
لو ماانا نظيفه ومهتمه فيه ومطلعته مميز عن اخوانه بكل شي ماكان امه راحت خطبت اختي لاخوه
وبس خلاص
تمسون على خير
