انا وصديقتي ،،

انا احترت فين اكتب موضوعي لاني بحثت في المنتدى عن دكتوره نفسيه ترد على الي احس فيه او بالاصح الي تحس فيه صديقتي .. اذا كان انا كتبت في القسم الخطأ ارجو توجيهي للقسم الصحيح ..

انا عندي صديقه لنا تقريبا 3 سنين متعرفين على بعض صديقتي هذي تحبني مره ومتعلقه فيني مره وانا مو مره احبها بس مو نفس درجتها >> المهم كانت تحصل معانا اشياء غريبه يعني مثلا نفتكر بعضنا بنفس الوقت اذا خطرت على بالي القى رساله منها على الجوال او القاها تتصل عليا وانا نفس الشي اذا خطرت على بالها نفس الشي يصير وتطور هذا الاحساس بيننا لدرجة اننا وقت ولادتي انا ماتصلت عليها ابدا وبنفس وقت الولاده وانا اولد كانت تحس بالالام بظهرها شديده قامت اتوقعت اني بولد وانا فعلا كنت بولد واتصلت عليا ولقت الجوال مقفل فعرفت اني بولد وغير كذا كانت احيان تجلس مع عائلتها وفجأه يضيق خاطرها تقوم تقول اكيد اني مضايقه وتتصل وتلاقيني فعلا مضايقه وانا ماكنت قلتلها بل احيان القاها تخمن وتقول الي مضايقك كذا وكذا ويطلع فعلا صح واحيان اكون مكلمتها ومخبيه شي عنها تقوم تصر وتقول قولي كل الي بنفسك واقول مافي شي تقول الا فيكي كذا وكذا ويكون فعلا الشي هذا ببالي والله انها تعرف من دون مااحسسها ولمن اسألها تقول احس فيكي واحيان تقول من صوت انفاسك لمن نكون نتكلم تليفون .. انا مره استغرب منها تعرف كل شي مجرد ماتطالع بعيوني انا صحيح واضحه بس مو لدرجة انها احيان يكون شي ببالي وتقوله على لسانها بنفس الالفاظ تقول اكيد خطر على بالك كذا وكذا صرت اخاف منها لان صديقتي هاذي قبل سنوات تعرضت ( لمس جان ) وتشافت منه بس وقت ماكان فيها المس كانت تعرف مين يتصل على التليفون من غير ماترفع السماعه وكانت تعرف مين يدق على الباب من دون ماتشوف …. الخ بس في فترة تعبها وبعدين تعالجت عند شيوخ وتشافت بس لمن يحصل معانا كذا صرت اخاف منها ففضلت اني استشير دكتوره يمكن ماتحس فيه معايا له اساس علمي وانا مااعرف اتمنى الاقي جواب عند متخصصه حتى ارتاح او عند اي احد يفهم بهذا الموضوع او يمكن مرت عليه هذه التجربه ،،
وعذرا على الاطاله بس انا بحاجه ماسه للاجابه وشكرا