انا وعلاقتي مع خطيبي

كيفكم ان شالله مبسوطين .. 😉

والله مررررره حبيت المنتدى مره مره وحبيتكم أكثر 😡

توي انا جديده وهذا اول موضوع انزله حبيت اطرح لكم مشكلتي مع خطيبي 😆

مادري كيف ابدا بالمشكله بش بقول لكم قصتي من البدايه

خطبني ولد خالتي الي كان يحبني من سنه تقريبا وما كنت ادري انه يحبني ..

الح على اهله غصب يخطبني واهله يقولون اصبر انت توك صغير لأنه ما تخرج

وهو انجن عليهم لأنه سمع من اقاربنا ان واحد منهم خطبني ورديته ..

المهم قالت لي عنه اخته وقالت كل شئ انه يبيني وانه يقول كذا وكذا وكذا ..

بالبدايه خفت مرره وجلست اسبوع كامل بس اصيح

وقلت لأمي وامي ضاق صدرها مرره تقول انتي توك صغيره وما تبي تزوجني الحين مع انه ولد اختها ..

وبعدين استخرت كم مرره وتأخرت بالرد عليهم ما رديت الا بعد تقريبا اكثر من ثلاث شهور ..

بالبدايه كنت اصيح واقول ما ابيه ..

لأني كنت رافضه فكرة الزواج كلها ..

بس بعد فتره استخرت وارتحت له ..

المهم ..

كنت اشارك بمنتدى مع اخته وكان المنتدى اولاد وبنات ..

هو سجل معنا وقال لأخته بس ..

انا ما كنت ادري عنه

وبدا يشارك ويتغزل بس بطريقه غير مباشره

وبعدين عرفت انه هو وانصدمت ..

انقطعت من المنتدى وهو كان يدري اني ادخل بس بدون تسجيل دخول وصار يكتب اكثر واكثر

الى ما انا تعلقت فيه مررره

كلامه يسحرر

وشوي شوي بدينا نتراسل بالمنتدى

و وصلت لحد انه يكلمني بالمسن

بنات انا مابي اصول لهالشئ

ادري انه غلط

قلت له وهو مو راضي يقول احنا بس نكلم بالمسن وعارفين حدودنا

وان احنا مخطوبين والكل عارف بالخطبه وبأذن الله راح نتزوج

وهو مررره جريئ بكلامه

اخواته اعتبرهم اخواتي وامه بحسبة امي والله

وكذا مره اخته تقول لي ترا اخوي جريئ وما يهمه شئ انتي لا تعطينه وجه

وقالت لي بأسلوب مزح لا تستغربين اذا مره دق عليك

وانا الحين ما استغربها عليه والله لأنه مرره جرئ بكلامه معي

بس والله هو بالبدايه سحرني له مرره

والحين صرت اموت فيه ويموت فيني لحد الجنون والله

وش رايكم الي اسويه انا صح ولا غلط

هل استمر معه بالمسن..؟؟

واذا غلط قولو لي كيف انقطع عنه ➡

مع العلم ان باقي على زواجنا سنتين او اكثر

والله ضايق صدري ومره ومافي احد اقدر اصارحه غيركم 😉

لو قلت لأمي بتذبحني يا ويلي وياويله

واخاف تخليني انفصل عنه 😥

والله محتاااره