عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا يا امهات ➡
انا عارفة انو موضوعي كتير انطرح.. بس بجد مع كل الي قراتو بالموضوع حاسة حالي ضايعة
فبليز استحملوني 😐
انا بنتي عمرها سنة و نص ➡ و انا حامل بالشهر التامن.. لهيك انا مطرة اعلمها على الحمام هي الفترة 😐
كنت رح اصبر عليها للسنتين لولا اني رح اولد بعد شهرين.. و في امهات كتير حكولي انو البابي بنضف بعمر بنتي 😆 🙄
حاولت قبل هيك بس ما كانت تستوعب و من يومين شلتلها الحفاض نهائي.. لان الكل حكالي مدام ما بتحس بالببي على ملابسها ما رح تتعلم
لهلا ما استفدت شي 😛
اول يوم كنت اخدها كل 10 دقايق على الحمام و ما تعمل شي و بس تلبس البنطلون بتعملها..وما كانت تهتم
اليوم بدت بس تعملها تيجي تبكيلي اركض فيها على الحمام بس تكون خلص عملتها
الي مجنني اني بكون الي ساعة معها بالحمام ما بتعمل شي.. بس البسها بتعملها على طول 😉
صدقا اليوم ساعة بالزبط و انا رايحة جاية على الحمام.. تعملها اخدها على الحمام و اتركها جالسة هناك لحد ما اغسل غياراتها.. و بعدين البسها.. لسة ما بوصل غرفة القعدة بتيجي تتغنوج انها عملتها و برجع على نفس القصة.. اربع مرات ورا بعض 😡
و الببو ما بتعملو ابدا.. طول اليوم حابسة حالها لغاية ما المغرب تعبت و لبستها الترانغ بانتس ساعتها عملت في ➡
الي جربت اتنضف ابنها بعمر بنتي تفيدني.. هلا امتة ممكن تستوعب فكرة انو تعملها بالحمام؟
يعني بدها اسبوع و لا اكتر لتنضف؟
انا كتير تعبت لان بطني كبر و غير اني عندي 100 شغلة بالبيت لاعملها 😡
انا جربت ادخها معي الحمام و اخليها تشوف انا شو بعمل.. البنت صارت لحالها تشلح البنطلون بس تروح الحمام و تاشرلي لتشطف وكمان تطلب التواليت عشان تنشف
كلو ستوعبتو و فهمتو الا شغلة انو تعملها بالحمام 😐
بليز ساعدوني شو اعمل؟ كتبها و العابها اخدتهم على الحمام و لعبنا و غنينا 😛 و هي كتير بتنبسط بس تروح الحمام .. بس ما بتعمل شي.. بتستنى لالبسها و بتعملها
عن kee jee
شاهد أيضاً
هل تعرفي أم عندها …” توأم ” ؟؟؟ تعالى قولي لنا كيف رتبت حياتها معاهم ؟؟
السلام عليكم ورحمة الله وبركاته أخواتي الغاليات نبغى منكم قصص عن أي أحد تعرفوه ..امهات …