انحرقت ببخار موية لقدر الضغط

السلام عليكم يابنات انا ماني عارفة احط موضوعي في اي قسم
انا انحرقت قبل شهرين ببخار المار واتكونت فقاعة في يدي رحت للدكتور سليمان الملق في المدينة وقاللي عليك بمرهم ميبو وغطيه كل يوم مرتين مرهم ميبو واغطيه بشاش بعد عشرة ايام او اسبوع تقريبا القشرة نشفت وبدأت تتقشر رحت له مراجعة قال ممتاز استمري على ميبو قلت له مافي علاج ثاني قال لا المهم مر شهر وانا على هذا الحال بعدين بدأت تطلع لي حبوب صغيرة في مكان الحرق وحكة فظيعة رحت عند الدكتورة حاتمة في المدينة الطبي لما شافت الحرق ترك اثر قالت هذا فيك حساسية اعطيك تركيبة اسبوع وراجعي قلت لها والأثر قالت لا لازم جلسات ليزر قالت الدكتور ماصرف لك مرمم جلد قلت لها لا قالت لازم يعطيك قلت لها اعطيني دحين قالت ماينفع لازم في وقته حسيت الدنيا ضاقت فيني نزلت صيدلية المستوصف اصرف الدواء سألت الصيدلاني اذا في علاج ووريته الحرق وايش قالت الدكتورة قال ليه ليزر على طول في علاجات وكريمات قلت له زي ايش قال ماأقدر اصرف لك عشان الحساسية شفي دكتور ثاني لاتستعجلي بالليزر انا دحين محتارة نفسي اروح عند محمد الأيوبي في نفس المركز وخايفة واخواتي يقزلو ارجع للملق واسأليه وانا خايفة وحيرانه بالله اللي انحرقت وجربت احد الدكاترة ولقت نتيجة معاهم تبلغني