عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله
يابنات واسوني حالتي حاله اقسم بالله
اللي ماتفهم كلامي الملخبط بس تجابوني على اللي باللون الاحمر
من امس بس دموعي اربع اربع 😡
انا خريجة انتسااب من كلية التربية
واليوم قريت خبر ان وزارة التربية استبعدهم من الوظايف تربوي وغير تربوي كلهم براا
والله اني تعبت وانظلمت بدراستي ظلم مايعلم فيه الا الله
لكني في 6 سنين جبت الشهاده الحمد لله
اخرتها يستبعدوني
والله يابنات للحين ماني متخيله اني مابصير معلمه
طول عمري وانا احلم اكون مدرسه لكن وزارة التربية حسبي الله عليهم
ودي اقدم على وظائف غير تعليميه
بس معرف كم رواتبهم بس يقولون مره قليله
وفوق هذا يقولون انهم يتعينون على المرتبه مو المستوى
ومافيه ترقيات
والله احيان استسلم واقول مافيه غير هالوظايف
ومره اقول لااا مستحيل يرفضوني التربيه ومايخلوني ابله 😆 🙂
مدري وش اسوي
صح انا ودي اصير تاجره أد الدونيا 
لكن احس هذي مو شغلتي
انا ماني متخيله للحين اني مابكون مدرسه والله الصدمه فيني مره مره مأثره 
عطوني حلول عمليه
يعني فرضا انقبلت في الوظائف الغير تعليميه
ابي اكمل ماجستير ونسبتي 74 والتقدير جيد يمديني اجمع بين الوظيفه والدراسه الماجستير؟
وهل اصلا يقبلوني بهالنسبه؟
الشي الثاني ما ابي اعتمد على الوظيفه الادرايه لان راتبهم قليل كيف ممكن اسوي لي مصدر ثاني للرزق بحيث اني ما اكمل 10 سنين وبطلب انهم يفصلوني 
واتجه لمجالي الخاص بفلوسي اللي اختها من الوظيفه ومصدر رزقي الثاني >> فهمتو شي؟
ادري ان كلام كله في بعضه متداخل
بس الزبده
انقذووووووني امالي كلها راحت بالهوا ومدري وين اروح وش اسوي
🙂 💡
