انقذوني … ماليزيا … حيرتني

ان شاء الله انكم تساعدوني في حيرتي راح ادخل ع طول في الموضوع
راح اسافر ع بداية السنه الجديده لماليزيا واللي محيرني ولدي … ولدي حبيبي اللي متعلق فيني
وخاصتاً انه يرضع مني ولا ياخذ رضاعه ووقت سفرتي راح يكون عمره سنه وسبعه شهور
افكر اخذه معايا بس متخوفه من الموضوع اخاف يمرض من تغير الجو فبدل ما اروح وانبسط انقهر وكمان الجدول اللي حاطينه احس ما ينفع فيه اطفال وقلت اخليه عند امي ومنها ينفطم مني بس بس بس قلبي متعلق فيه
وتصدقون من دحين وانا ابكي كل ما افكر اني بخليه..
لكن اقول يوم وراح اتعود اصبر نفسي لان ودي بسفره استجمام لان مره مرهقه من الشغل
وخاصتا ما اخذت انا وزوجي لا شهر عسل ولا شهر بطيخ..هههههههههه
لان قبل زواجي بيوم ابو زوجي تنوم في المستشفى وكانت حاله خطيره
فصار الزواج بدون مطربه ولا شي ع الديجي وعلى قولتهم زواج ع السريع
بس الحمدالله ع كل حال..
فودي اسافر شهر عسل متاخر وراحة بااااااااااااااااااال بدون اطفال ولا ازعاج
فديت ولدي وازعاجه ربي يخليه ليا يارب..

ايش رايكم اخذه ولا اخليه عند امي
وكل اللي سافرت تقولي ينفع اخذه معايا لماليزيا
وع فكره ولدي حركته مره كثيره اخاف يتعبني وخاصتاً في الطياره
لانه ما يحب يجلس مقيد يحب الحركه

الله يسعد كل وحده ترد عليا..