انواع الشباب

2- الشاب الثرثار :
هذا لو أضفتيه يعني جنيتي على نفسك ييييييييه كلامه ما يخلص رحت السوق الفلاني وبنت شافتني أعجبت فيني ، ضحكتلي ،
طلبتني الرقم ، بس أنا ما أعطيتها وجه والأخ في الله مأخذ مقلب كبيييييييييير في نفسه

3- الشاب المغرور:
اما هذا عايش في كوكب ثاني بروحه ومن كلامه ،، بنت خالتي تحبني ، أنا أحلى ولد في العايلة ، أنا وحيد ماما وبابا ،
أنا راح أسافر في الويك أند لبنان ( قووية هذي الويك أند) وبنت عمي خطبتها واهيه رفضت ولكن اهيه الندمانه والوالد جبرني عليها وأنا ما ابيها
وأنتي يالمسكينة دماغك كبيرت من هالكلام وهذا لما تعملي تسجيل دخول يتركك نص ساعة وبعدين يقلك (هاي .. وينك ..توك داخلة ؟؟ تصدقين اني ما شفتك )
وهاتك يا كلام …………

4- الشاب الجدي:
هذا يخليك تعتزلين النت بكامله كلامه هوهو ما يتغير ويكلمك عن قصة زواجه الفاشلة ومديره في العمل وانه إنسان مضطهد
وإنسان كتوم وإنسان متفاني وانتي اللي اخرجتيه من وحدته ويييييييييه تنامين وتقومين وهو للحين يتكلم في نفس الموضوع

5- الشاب العربجي:
هذا تموتين ولا تفهمين من كلامه شيء إلا لو كنتي بنت حواري عاد ساعتها وافق شن طبقه هو صدق في بعض كلامه يضحك
لكنه سوسة مثله مثل غيره من الشباب يشتمك وانتي تضحكيله …….

6- الشاب الطفولي:
لو تكلمين نونو كان ابرك لك من انك تكلمينه كل ما تقولين له كلمة يزعل ويقول للماما وعلى طول بلوك وديليت ويقولك كل كبيرة وصغيرة
في حياته كأنك أمه وانتي ما تدرين