اهل السفريات احتاج خبرتكم ومساعدتكم وان شاءالله بميزان حسناتكم يارب ..

كيفكم يااهل السفر والسياحه ..؟ 😐

المهم

انا ان شاءالله بسافر تركيا علي شهر شعبان يعني شهر 8 بعد 3 شهور تقريبا ..

وحتكون سفرتي مع اهل زوجي امه الله يحفضها واخوات زوجي

المهم

فرح اخويا بنهايه شهر رجب {7} يعني قبل موعد سفرتنا بــ 4 ايام

وتعرفو كيف اخوات العريس لاخر قطره وهما حايسين وشايله هم والله

افكر بفرح اخويا ولا سفرتي ولا ايش ولا ايش

ادري الوقت بدري بس ماشاءالله اهل زوجي بدوو يجهزو اغراضهم ويشترو من بدري لجل ماينقص عليهم شي ..

وانا حايسه بفرح اخويا مرا بين تجهيزات الشقه وهو بجده مو هنا ونطلع جده ونرجع المدينه وحوسه حتي فستاني لسا ماسويتو

قلت الين انحف <– يارب

المهم <– ترا مافي مهم بس دي كلمه لاصقه بفمي

المهم من جد دحين 😛

ابغاكم تقولولي ايش اخذ معايا ايش اجهز بشنطتي ايش اخلي بشنطه يدي وايش تكون نوعيه الشنطه

وايش اهم الادويه الي اخليه بمتناول يدي

واذا تعرفو دوء للغثيان حق السفر لاني قبل سنتين سافرت فرنسا مع اهل زوجي برضو

وتعبت مرا بسبب الغثيان

وطبعا صح سافرت قبل كده بس والله ناسيه ايش اهم الامور واشياء كتير

الي مفتكرتو باكتبو عندي بورقه

بس ابغاكم تساعدوني حتي بالبس بالمدينه او جده فين الاماكن الي القي عندها طرحات الحجاب والبلايز الطويله

واممم ايش كمان

ابغا كل وحده تدخل تقولي لمن سافرت ايش الشي الي استفادت منو وايش الشي الي ماستفادت منو

لاني ايام ماسافرت فرنسا اخذت معايا جزم سبورت الله يكرمكم والتانيه فلاات واخذت بعضها بكعوبه صغيره

مالبست الا الرياضيه بس

فمااستفدت من الباقي لان طبيعه السفره كانت كلها مشي علي الارجل

فابغاكم تقولوي من خبراتكم ايش احسن شي ومن فين اشتري الجزم السبورت المريحه الله يكرمكم بالمدينه او جده

واي شي او اي تعليق لاتبخلو عليا

مابغا اتفشل قدام اهل زوجي ابغا اكون مرتبه 👿 وابغا زوجي يفرح فيا 😎 <– برااا

واايوو صح كمان باسالكم لزوجي ايش الاغراض الي المفروض اخدها والمهمه يعني

لان زوجي كسول مايتحرك كل شي لي راسي وحتي ملابسو لمن يسافر لوحدو مايعرف ايش يحط معودتو انا احط كل شي

فابغا اعرف ايش في شي مهم ممكن احطو ويستفيد منو

وطبعا ماعندي اطفال الله يرزقني بس مروقه راسي بالسفره
🙁