اه من الخوات

السلام عليكم..
انا بصراحة ضايق صدري ومدري كيف ابدا..بس المهم اللي مضيق صدري هو امي الله يهديها احس انها تفضل اختي علينا واختي هذي متزوجة وعندها 5بنات صغار بس انها الله يهديها شخصيتها غيورة جدا جدا وماتبي احد يكون احسن منها بشي لدرجة انها اذا شافت شي عجبها عندي او عند احد من خواتي تسرقة اي والله..وانا عرفت بهاللشي لما رحت شهر العسل راحت ترتب ملابسي واخذت من عندي فستان وبدون علمي وخلته لها ولما سألت عنه قالت مدري وبعد لفترة زرتها بالبيت وشفته بدولابها!!! انقهرت مرة لأنها سرقت مني وانا لسى عروس بس ما أخذته ومو تسرق مني بس إلا من كل خواتي وحتى طقم ذهب من امي شاريه لها زوجي سرقته وساعة اختي بخمس آلاف بس لما انفضحت مارجعت تسرق..ولما جبت ولد صارت امي تقولي بسب في ولدك بس مو بقوة عشان ماتحس بالنقص ان عندها 5 بنات وطبعا رفضت بينما اختي الثانية عندها اربع بنات وامي بس تتكلم عن تفضيل الولد عن البنت ف وش معنى تفرق بينهم..ومرة قالت لي امي ان اختك بحاجتك بس بخليك كأنك انتي اللي بحاجتها !! وحسيت انها تحبها اكثر..ومرة اختي سرقت مفتاح بيتي ولما قلت لأمي قالت انتي الغلطانة!
كيف غلطانة..وانا بعد أصغر منها..واللي انا مستغربة منه ان اختي هذي تتحكم بامي كثير وتمشي رايها عليه بالغصب ومع ذلك تحبها لأنها في كل شي تشاورها و تعلمها بالجديد وتفضل تسولف معها وانا واختي ازواجنا اخوان فأمي بدال ما تسألني عن ولدي وكيف اهل زوجي معه تسأل اختي ..ولما اسولف مع سلفتي تروح اختي وتقول لأمي تراها تسولف عن كل شي وامي صدقتها..وقالت كذا بس عشان ما أسولف مع غيرها عند اهل ازواجنا..وغيرها كثير وأعظم واختي هذي جنب بيتي وحايمة كبدي منها لأنها كيودة ونذلة ومو اقول كذا من كره بس من اللي شفناه منها انا واخواني وخواتي..حتى انها مرة تهاوشت مع اخوي عشان شغالتها بس ومرة تهاوشت مع اختي وعشان تكيدها سرقت منها يواس بي حق افلام كان لزميلتها..وغيره كثير ومابي اوجع راسكم فيه بس انا حبيت افضفض من قهري حتى والله ما قدرت اذاكر وفكرت اقول لأمي هالشي واحاورها فيه بس قلت تبي تقول تغار من اختها وتكرهها وتبدا تعاملني غير…وانتم وش رايكم اقولها او لا..واسفة طولت عليكم………..