اوقفو معي وشجعوني على الطلاق

مرحبا بنات من البدايه اللي تبي تتفلسف على وتقول لي لاتتطلقين وحرام عليك وعشان بنتك رجاء تسكت
انا ابيكم تشجعوني انا قررت وخلاص لكن خايفه من الجاي وخايفه من رد فعل ابوي
فاللي تبغى تقول شي يخليني اتردد تطلع من الحين

انامتزوجه لي 7 سنوات تقريبآ وحاليآعندي بنوته عمرها 6شهور ادعولي الله يحفظهاخصوصآمن ابوها
صار لي شهرين او اكثر انام بغرفه لحالي ومن قبل هالشهرين ماكنت طايقته يقرب لي ومن زمان ماقرب لي اقصد ( المعاشرة ) وحتى لو لزم عليها كنت من برا لبرا بدون ..
لاني ماني قادرة استحمله كارهته كارهته
لاتفكرو الموضوع فيه سحر او شي زي كذا

لا اناماكرهته من فراغ عشان تفكرو كذا
هو يشرب ويشرب بهبل ويجي يبهدل فيني شتم وسب وكل شي ممكن تتخيلوه سواه فيني لو اقول لكم بالضبط يمكن تقولون ابالغ وتقولون مستحيل انك صبرتي عليه طول هالفترة لكن حتى انا بيني وبين نفسي مستغربه كيف تحملته طول هالعمر راح شبابي وسبع سنين من عمري بعيشة مادري كيف اوصفها لكم
غعلآاناجباره لماااتذكر المواقف اللي صارت لي
اذكرلكم منها انه مره جاني كنت بالمطبخ اغسل الصحون انااول مايجي احاول اتجنبه لانه دايمآيستفزني استفزازموطبيعي ويعايرني بابوي وبوحده من عماتي الله يهديها سمعتهاموكويسه بس انامالي ذنب وهو مااحد جبره يتزوجني الموهم ارجع للموقف وانااغسل الصحون جاني واخذ سكين وقام يتهددني فيها وحطها قدام وجهي ماتتخيلون الرعب اللي صابني واحد سكران ومعاه سكين وقاعديهددك
موقف ثاني صدم مره وجاني يصرخ علي يقول لي انتي السبب كلهامنك ويقول الله فكني هالمره وانتي السبب وانا بعد كنت اغسل الصحون بالمطبخ >>مانتوملاحظين كل مشاكلي بالمطبخ خخخخخ ➡
الموهم جاني ويقاميرمي علي مخدات على كنب الصاله ولماشافني مااهتميت هو يبغاني اعصب واهاوش عشان يضربني وماينلام-لماشافني كذا قام يتفل على الصحون انقرفتتتت وكان من ضمنها صحن لاهله عندنا راح هو للغرفه ينام وانا اخذت صحن اهله وديته له للغرفه وقلت هذا صحن اهلك اناماني غاسلته اغسله انت ورحت لبنتي وجاني والصحن معاه الصحن زجاج ورماه عالارض عندبنتي وتكسروتطايرت القطع حتى بعضهاصار ورى بنتي الله فكهاماجلهاشي سبحان الله والا القطع وصلتهاوتعدتها
وكمان فيه مواقف كثييييييييير ماني ذاكرته اكلهاومابي احاول اتذكرها اتعب
كنت اقول يمكن عشاني تاخرت بالحمل الرجال تحطم وصار يسكر مع انه هذا ماهو مبرر بس هو انسان سلبي بمعنى الكلمزه فيه اشياء كثييييييييير نفسي اقولها من الكثر الكلام ماني عارفه بايش ابدا
اناماحملت الابعد 6 سنوات والحمدلله الله رزقني ببنت هي فرحة حياتي وهي اللي مصبرتني شوفة عيونها تسوى الدنيا عندي
كنت احسب الرجال بعد مااحمل يتغير لكن بقي مثل ماهوعليه وبالعكس تمادى اكثر صارلمايجي معصب يبرد فيني عن طريقها يعني يقهرني فيهاياخذها مني ويخليها عنده بالغرفه وتصيح مايجيبهاولايخليني اخذها ولمايشوفهاتمص يدهايضربهاكنه يضرب وحده كبيره تفهم وتصيح هي ومع ذلك يستمر يضربها على خفيف لكن يوجعهاويخوفهاوتصيح هي
ومره من المرات عصب علي لاني كلمت خواته عن هالموضوع عشان يتكلمن معاه وجلس اسبوع معصب ويجي حالته حاله وطول ليلي على اعصابي هواش ومشاكل لدرجة انه خلاهاتلحس رجوله نكايه فيني جلست اصيح واتصلت على خواته وجن تكلمن معاه ورجع ثاني يوم سوا نفس الحركه

اخر مره قبل تقريبآثلاث ايام جاء معصب واناكنت عند التلفزيون وسوى لي حركة التايم اوت وقلت له طيب خلاص ادخل نام ودخل بدل ملابسه وجاء اخذهامني واسمعهاتصيح جيته اباخذهاوعيا علي خليتهاورجعت للمجلس واناقلبي يحترق عليها جاني وهي تتارجح بينن يديه يقول لي ارميها ارميها ويمدهابيديه كانه يبغى يرميها اناببرود رديت قلت بنتك وبكيفك مابغيت اصرخ واعصب يروح يرميهاصدق وانزلقت من يده ومسكها بيديه وانشدت ايديهابقوة وصاحت هنااخذتهامنه وهوكانه خاف وقفلت علي الباب وعدت الليله على خير ليلتهاقلت خلاااااااااااااص ماعاد استحمل اكثرمن كذا استحملته 7 سنين لكن قلت اناونفسي بكيفي لكن الحين البنت صارت بذمتي ومصلحتها انهاماتعيش مع واحد زي هذا

هولمايكون صاحي كويس لكن حياته نوم يصحى ويطلع يرجع لي سكران يعني مااشوفه صاحيبس ساعه باليوم يمكن
حتى احترام ماعدت احترمه كل مسبات الدنيا اسبه فيها غصب عني مااقدر احترمه الاحترام يفرض فرض مو شي تختاري تسويه واذا هو مااحترم نفسه اناماقدراحترمه

مشكلتي ابوي للاسف مع انه متعلم لكن كلام الناس عنده اهم شي والمصروف المادي مايبي يتحملني مع انه هو نفسه سكيييييير شايب ومع ذلك يسكر من وعيت على الدنيا وهويسكر وكنانشوفه يضرب امي وكنانعيش في رعب واحناصغار وامي تعبت نفسيتهالدرجة انهاصابها اكتئاب شديد ودخلت المستشفى اكثر من مره امي الحين تكلم نفسها وانامابي اصير مثلها من جد تعبت نفسيتي واحس اني شوي وانجن وفكرت كم مره اهرب لكن لمااتذكر خواتي والعيب اللي يلحقهم استعيذ من الشيطان واشيل الفكره
ابوي راح يحط الخطاء علي وكاني شيطان وزوجي ملاك منزل من الجنه
راح يقول انتي دلوعه وماتتحملين زعلت قبل هالمره لان زوجي كان ضاربني وقال هالكلام
لكن انا قلت اتطلق بيني وبين زوجي قبل مااقول لابوي واروح احط ابوي امام الامر الواقع لان لو دخلت ابوي بالموضوع قبل اتطلق ماراح يخليني اتطلق بس راح يسمعني كلام يقهرني وماراح استفيد شي وراح يحسسني بالذنب

صرت اي مشكله تصير بيني وبين زوجي ادعي على ابوي واقول الله لايسامحه

هو حتى لمازوجني مااخذ رايي اعطاني خبر انه ناس تقدمولي وفكري بالموضوع وجاني ثاني يوم يعطيني خبر انه وافق واستلم المهر خلاص ويوريني الفلوس هنا استحقرته واستحقرت نفسي حسيتني خروف ينباع وينشرى
ابوي مادي درجة اولى مع انه مفهمنا انه لا وكنت مصدقه هالشي واناصغيره لكن الايام اثبتت لي العكس صرت اشوف ابوي اخس انسان بالدنيا لانه شايب ومع ذلك سكير وراعي حريم ومادي يفضل الفلوس على راحة بناته وخصوصآ بعد ولدت يمكن تقولون صرت احبه اكثر بعد ماجربت الامومه لكن العكس انابعد ماولدت صرت اكرهه اكثر بعدماجربت غلاي لبنتي واني راح احاول اسعدهاقدمااقدر حقدت عليه اكثر انه كيف يقدر يسوي فيناكذا وهواب اجل لوماكان ابوي وش كان يسوي

حتى اهتمامه بنا واحنا صغار يمن علينا فيه لان امي كانت تعبانه مثل ماذكرت وهو اهتم فينا لكن هو ابونا وهالشي مسؤوليته مفروض مايمن علينا بشي هو واجبه وخصوصآ انه هو السبب في مرض امي وحرمنا من انه يكون عندنا ام طبيعيه يمكن لوماكانت امنا موجوده __والله يحفظها ويطول عمرها_ كان الوضع يمكن يكون افضل لان هذيك الحاله راح يجيك احد يحل محلها عماتك اوخالاتك يصير ينصحك عالاقل لما تحتاجي نصيحه امي مااذكر انهافي يوم من الايام نصحتني شي.. عازله نفسها من هالناحيه هي يوم تصير كويسه وعشرة لا
شخصيتهامره ضعيفه وابوي غاسل مخها غسيل مزبووووووط

صار كل همها كلام الناس للوتسمعون كلامها علي تنجلطون
لما اتكلم بزوجي واقول لها اللي يسكر مو رجال لان الرجوله بالعقل واللي سكران مافيه عقل تقول لي بمصخرة اجل وشلون جبتي بنتك اذا مو رجال تخيلو تقول ماكله وشاربه عنده وش تبغين بعد وكان هالاشياء اهم من كرامتي صرت بقره او خروف اهم شي اكل واشرب

كرهت نفسي يابنات كرهت نفسي واستحقرتها لاني رضيت لنفسي هالعيشه الخايسه

تعببت وماعاد اعرف وش اكتب واللي ماقلته اكثر من اللي قل
ته الله يكون بالعون بسسسسسسس
تعبت تعبت تعبتتتتتت وابغى ارتااااااح لكن مو قادره اتجرأ