ايش اسوي في هالحقيره !!

انا متزوجه من 5 شهور وكان فترة ملكتي سنه و3 شهور ..
المهم :
ايام الملكه كانت في وحده تدق على زوجي وترسله انا احبك ولما تدق ماتتكلم ولما يقفل ترسله الحين بنام وانا مبسوطه بعد ماسمعتك ولما يطنش ترسله حرام عليك وانا ابغى اسمع صوتك ومره قالت له اسمه ( يعني عارفته ) وهو طنشه وسوا حركه بجوله يصير يعطيها مقفل ومره دقت فديو تقول رد ماتبغى تشوفني 💡 وارسلت صوره بس ما اعتقد لها ..
طبعا هو كان يرسل لي رسايلها ويقولي اذا دقت وانا كنت اطنقر واقول ليش ترد اصلا انت عجبتك السالفه ومن هالكلام 😛..
بس بعد ماخلا جواله يطلع مقفل لها ارتحنا منها 🙁..

طبعا الكلام الي اول ايام الملكه ..

الحين بعد ماتزوجنا رجع رقم غريب يدق عليه ولما رد مره سمع صوت بنت قالت الو وقفلت وبعدها ارسلت ممكن نتعرف 😥 طنشها وقعدت تدق وهو يقول طنشي وبتطفش والحقيره ماطفشت اسبوعين تدق في الاخير قبل يومين قلت انا بكلمها قال خذي ولما رديت قامت تتكلم ..
قالت من معي قلت لها حلو هذي انتي الي داقه قالت انا مو داقه عليك عطيني صاحب الجوال قلت انا صاحبه الجوال قالت لا صاحب الجوال فلان ( اسم زوجي ➡ ) قلت لها انا صاحبه الجوال وقفلت في وجهي ..
ورجعت دقت ولما رديت قالت مين سمحلك تردي على الجوال ( انا بصراحه بغيت انفجر كنت بتكلم عليها بس مستحيه قدام زوحي ) قلت هذا جوالي ولا تدقين علي مره ثانيه ازعجتيني قالت هو جنبك قلت مين قالت فلان قلت وانتي ايش عرفك فيه قالت مايخصك قلت لها صدق انك وقحه و حقيره وقفلت ..

ارسلت لي بعدها :
من هذي الي ردت ع الجوال .. انا ماكنت تخليني ارد
ورساله بعدها :
على فكره انا عارفتك ترى هو مايخبي عني شي .. و وخري عنه احسن لك

ارسلت لها :
طيب من انا .. و كيف اوخر عنه وهو زوجي وملكي ومستحيل يطالع فيك يابنت الشوارع

ارسلت لي :

لسانك الوصخ لاتكلميني فيه يابنت الشرقيه ( كنت عايشه بالشرقيه قبل الزواج ) وليش مايتكلم هو اشفيه خايف

قلت لها :
انا ابغى اعرف اسمي

ارسلت لي :
والله ياشاطره نسي يقولي . وخليه يتكلم ولا اتكلم انا ..

وطنشتها لانو حسبتها تبغى تسوي مشاكل
ارسلت لها اليوم الثاني بعد ماشفت مكالماتها الي عبت السجل .. ( اوووف اوووف ايش هالزقه يامسكينه منتي لاقيه احد يعطيك وجه ..
وخليت الجوال عند زوجي ورجعت لقيت بالسجل لها مكالمه ورساله بس الرساله مو موجوده بالوارد
قلت لزوجي وحلف انو مامسحها وانا صدقته لانو ماراح يحلف كذب وقلت اكيد بالشبكه مشكله
قبل شوي اخذت الجوال منه وهو نايم وارسلت لها ترسل الرساله مره ثانيه
وقام هو اخذ الجوال ورجع نام اذا صار في الرساله نفس الي قبلها يعني هو مسحها اكيد ( يآآآرب مايصير )

بنات انا مررررره بنفجر منها ابغى اعرف من هي ايش عرفها بزوجي 😆 hy:
انا واثقه من زوجي هو دايم حاط جواله عندي واشوف رسايله والسجل وكل شي وهو الي قالي ارد عليها
بس انا بنجن كيف عرفت اسمه و كيف عرفت انا من وين اووووف تعبت من التفكيرر 😛
مدري هي من الاقارب ولا من الطالبات الي كان يدرسهم بالجامعه بس لو من الطالبات ماراح تعرف انا من وين مو 😛
ولو من الاقارب كيف ماعرفت اسمي ! ! وربي جابت لي الكوابيس صرت احلم فيها

ان ابغى اربيها عشان تبعد عني وعن زوجي لا نو شكلو نفسها طويل مو معقوله سنه و 8 شهور وما طفشت 😉