عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
يا بنات انا جدا يائسة من تصرفات امي معايا ، كل تصرفاتها تدلعلى انها تكرهني ، و تطيقالعمى و ما تطيقني ، ليش ؟؟ لانه انا ما مشيت على كلامها لانه حسيت انه يضرني !!! بس راح يفرحها هي !!!
انا دحين كملت سنة من يوم ما اتقدملي عريس ( كان عاجبها هي ) و انا ما كان عاجبني ، حسيت اني ما اقدر اعيش معه ، مستحيل ، انا ما ابغا اتكلم عن هالموضوع بس من بعد ما راح هالعريس و امي متغيرة يا ناس ما تطيقني حاولت اتقرب منها، ما تفتكرلي خير ولو مرة وحدة !!
و الله العظيم اني كتبلكم و انا ابكي و دموعي على خدي ، ما تكلمني ، تناظرني باحتقار ، مرة طلبت منها فلوس و كنت جيعانة و ما عندي ريال واحد لا بحسابي و لا بمحفظتي ، و ما كنت ابغاها عشان آكل لا عشان اكمل حساب جامعتي ، و الله العظيم ذلتني و مسحت بكرامتي البلاط و استهزئت فيا و بعدين قالتلي بكل بساطة جيبي الشنطة اعطيكي فلوس ، و طبعا انا رفضت ، لانه حسيت كرامتي انهانت
و طبعا هي لاحظت بعد فترة اني اتصرف معاها كانه بقلبي شي ، و لمن قلتلها ايش اللي بقلبي تخيلوا اليوم التاني رفضت اني اسلم على يدها ( انا عادتي لمن ارجع من الشغل اسلم على يدها )
و طبعا امي من النوع اللي مستحيل تشوف نفسها غلط مهما كان ، دايما انا غلطانة ، انا عاقة ، انا ظالمة ، حتى لو معايا حق انا ظالمة
انا ما اعرف ايش اسوي معاها ، ما اقدر اقول حسبي الله و نعم الوكيل ، ما اقدر اهرب من البيت ، ما اقدر اسوي و لا شي ، يعني احس اني تيتمت و امي عايشة ، و الله يا ناس اني امر بمشاكل كتير في حياتي نفسي اروح احكيها لامي نفسي توقف معايا نفسي احس انه امي تفهمني احسن من صديقتي ، بس طبعا ما كل ما يتمناه المرء يدركه
انا حاطة هالموضوع عشان الي عندها نصيحة تنصحني و تقوللي ايش اعمل ، و بليز الي تجي تقوللي كلام جارحة و تعطيني محاضرة عن حقوق الام و تتناسى احتياجاتي و حقوقي ، رجاء لا ترد
