بالله ايش رأيكم بهذه النوعيه من البشر ؟؟

المهم وضحت لها ان هذا تكفير ناس جاهله وان جنسيتها ماتقدم ولا تأخر عند رب العالمين وغيره ….

وبعد جدال عقيم معاها وتطاول على العالم الأخت مابرد قلبها راحت ارسلت لي على الخاص رساله مافهمت وش المغزى منها بالضبط؟؟

الشيء الثاني وش يعني ولد او بنت قبايل؟؟ ابغى اوضح شغله يمكن غايبه عن الكل ..

ترى كل انسان على وجه الارض ينتمي لقبيله يعني سالفة القبايل مو بس عند السعوديين ترى !!

حتى اذا كان في أحد يحمل الجنسيه السعوديه ولكن مو سعودي أصلا تراه له قبيله ينتمي لها من الاساس ..

وشيء آخر الملك يوم أعطى الجنسيه لهم اعطاهم هي تكرمآ منه مثلآ؟؟

حبايبي ترى الدنيا أخذ وعطا هم قدمو لبلاده العلم والحضاره والتطور وهو قدم لهم الجنسيات يعني وحده بوحده على قولهم مافي أحد متفضل على أحد ..

أخيرآ وليس آخرآ ياليت نترك عننا العنصريه المقيته اللي انتقل داءها الى المنتديات ترى نهايتنا قبر ولا بنآخذ منها لاحسب ولا نسب يا أخت (….اعتقد عارفه نفسك ماله داعي اكتب عشان لايصير تشهير )

أتمنى تكونين فهمتي الكلام زين رغم اني احسك مريضه وصعب تتشافين من الداء اللي فيك ..

وبالنهاية حطي في بالك ترى كل واحد يحمل الجنسيه السعوديه يعامل نفس معاملة غيره من حامل الجنسيه .۔ يعني بأي دائره سواء حكوميه او خاصه بيسألون سعودي او لا ماراح يقولون انت من قبيله او وش ترجع !!