عالم البنات النسائي كل ما يخص المرأة العربية من ازياء وجمال والحياة الزوجية والمطبخ
لمن كنت طفله بريئه<<الثقه بس ههههههه كنت هاااديه ولا كنت احب العب مثل البنات واركض واصارخ لعدة اسباب
اولا ماعندي اخت قدي ولاحتى اكبر مني
ثانيا مافيه ايه بنت من العايله مقاربه لعمري
عشان تسيذا ضربت عصفورين بحجر<<شدخلها ماادري 😡
فكان هدوءي يميزني عن بعض البنات امي طييييبه حدها لكن لعصبت تنفعل شوي<<مشكله يحتاج لها حل هههههه ❗
كبرت ووصلت الصف السادس الابتدائي ومين قدي والله وكبرت خخخخخخخخخخخ
نجحت بسادس بأمتياز
وناااااااااااااااسه<<توها تحس وتفرح هههههه
دخلت المرحله المتوسطه
كبرت وطلعتلي نخلتين براسي خخخ مسويه عمري كبرت وكل ماروح مرحله اعتبر نفسي كنت صغيره خخخ شكلي بعجز وانا اعتبر نفسي صغيره<<بس شعور حلو 😥
اكثر شي اكره بالمتوسط مادة الرياضيات ليش مادري خخ 😆 idea:
اذكر اول يوم في اول متوسط الله لايوريكم داخله ماادري عن شيء مدرسه غريبه وجايبه امي معي
وصلتني للمسرح لانه المديره تبي تلقي كلمة الترحيب حقتها عندنا
كانت واقفه عند باب المسرح ويوم بتروح خنقتني العبره ماادري ليش.؟!
في اول متوسط:صار حادث لاخواني
وكان اسوء يوم بحياتي اللي عشتها اروح اشوف اخوي الكبير بالعنايه المركزه المشدده
اعز اخواني اشوفه بحاله يرثى لها موقف صعب
ماتتخيلون شلون امي مرت عليها الايام
كنت اشوفها تمشي بيننا ماتدري عن شييء واللي يقهر عايلتنا مايوقفون معنا في اصعب المواقف
معلماتي لاحظوا علي انه مستواي نزل ومانلام واحد من اخواني حالته خفيفه وواحد مابين الحياه والموت
وماقصروا دقوا على امي وسألوها وفهمتهم السالفه
والله مااكذب عليكم انه مابين فتره وفتره يسألوني عن اخواني
حسيت انهم اكثر من معلمات
يوم طلع اخوي من المستشفى استانسسست وناااااسه مش طبيعيه
وعشت اول متوسط بونااسه وضحك واستهبال وركض
كنت احاول اكسب قلوب المعلمات والطالبات
وحققت مرادي
اول متوسط كانت مرحلة تكوين علاقتي مع البنات
وثاني متوسط تقوية علاقتي معهم
في وحده من البنات اسمها(…………..)
تدرون برمز لاسمها شموخ
لانها فعلا شمووخ اسم على مسمى
وهي تحب هالاسم
امها درستني الدين في اول متوسط ماده وحده
بس كانوا البنات يسببون لها مشاكل في اول متوسط وثاني متوسط ينتقمون من امهم بس على حساب بنتها
وقفت معها وماقصرت وقفت معي بكل حياتي
اذكر يوم قلت لها مشكله كانت مسببه لي ازمه ولولا الله سبحانه وتعالي ثم هي ولا كان متحطمه تماما
ارفع معنوياتها وترفع معنوياتي
اذا تنقاشت انا وياها كنا نسبب ازمه بالمدرسه صرااخ وزحمه كان نقاش مو بس جاد الا حاد ههههههه
كنت دايما اقص عليها واقولها بنقل ولقلت الحقيقه ماراح انقل احسها ودها تاخذ الطاوله ثم تحذفها علي ههههه
ابوهم كان شديد معهم من خوفه عليهم
وعقلها كبير تقول انا ادري ابوي مايسوي كيذا الا عشان مصلحتنا
ارجع لي خخخخ
في ثاني متوسط كنت مستهتره وكانت اضعف نسبه جبتها بثاني متوسط
بسبب الاستهبال والاستهتار
لكن مع ذلك كانوا المعلمات يقولون لامي عقل بنتك كبير
جا اليوم المفتوح وطلعت على المسرح وقلت قصيده من كتاباتي باليوم المفتوح
المعلمه اللي احبها اكثر من المعلمات قامت تصفقلي وتشجعني
والمعلمات يصفقون لانه المسرح كان شوية بنات موجودات والمعلمات واااجد 😛
وغالبية البنات يلعبون برا بالنطاطات وربي اشكالنا كل ماتذكرها تحفففففففففه
قالوا لنا نلبس بنطلونات ههههههههههههه ولبسنا
عاد انا وشلتي التحفه رفعنا المرايل واحنا تونا ماركبنا اللعبه قاعدين نفكر نركب ولا مانركب واحنا محفشين المرايل فوق ههههه قسم بالله شله مبدعه ههههههه
يوم ركبنا وانا اقولهم بنات شكلي غلط انا كبيره ههههه وتقوم بنت وتدفني من ورا ومااشوف نفسي الا على بعد امتار هههههه واصابع رجلي تزلغت
ههههههههههههههههههههههه
جا بثالث متوسط واكبر مشكله كنت اعاني منها المعجبات هههههه قسم بالله فلللللللللللللله كنت استهبل عليهم ولكن كانوا يكسرون خاطري ابتلشت بهم ❗
وشلتي كل وحده زاعطه على الثانيه اني كبرت هههههههههه
عشت لحظات حلوهـ بالمتوسط
وعشت حلوها ومرها
عشت ويا صديقات ولا اروع
وقابلت معلمات طيبات وااااااااجد
حسيتهم مثل خواتي واكثر
ماكانوا يحسسوني انهم معلمات
كانت موهبتي الشعر
ودعموا هالموهبه
والالقاء 😐
ولطلعت القي بالاذاعه موضوع ولا شيء بكل جرأه اقولهـ والقى عبارات الثناء والمدح
كان مدحهم لي يزيدني ثقه بنفسي
وكان تهزيئهم درس لي ومقتنعه انه لمصلحتي
لكن نادر ماكانوا يهزءوني<<تبي تصرف الموضوع 😐
يوم جا يوم التخرج
شفت صديقتي شموخ من المتفوقات
واول وحده بالدفعه
دخلوا
وخلوا الفصول كلها تمشي تسلم على المديره وتعطينا شهادات التقدير
ويوم صار تكريمهم
وسمعت اسمها ينقال وهي تتقدم بكل اعتزاز وفخر
فرحت لها من كل قلبي
ومرت الايام الاخيره صعبه علي
بفارقهم
واخر يوم جا اشوف البنات يبكون بس مابكيت قعدت اضحك عليهم ههههههههه وربي تتنيح زااايد <<الاحساس ومايفعل ➡
شفت شموخ ولآخر مره
قبل اليوم الاخير جلست وياي وتسولف
واليوم الاخير بكت وانا ضحكت قامت تطالعني مستغربه قلت مثل ماقابلتوني وانا اضحك بتودعوني بضحكه:P
توادعنا وليت الوداع مثل الناس..يظل شوي ثم يحين رحيله..
لكن الوداع مبني على ساس.. بدنيا ما تعرف كلمه ياحليله..
في النهايه:
راح اقابلهم..وصفة التفاؤل اللي فيني ماراح ابعدها مهما سوت الحياه فيني ماراح ايأس
توني ببداية الحياهـ..لكن مو لازم صغر العمر..اهم شيء العقل..الله رزقني النعمه هذي وكسبتها لمصلحتي.!
لكبرت ان شاءالله ناويه اصير صحفيه او مرشده طلابيه..
وهذا ان شاءالله راح يصير..
اذا الدنيا ناويه تبكيني..بضحكلها..
إذا الدنيا ناويه تفرق احباب واصحاب..فالقلوب ماراح تتفرق
احب اوجه شكري للمعلمات وصديقاتي..
ورسالتي للمعلمات ..
انتوا تأدون امانه والله سبحانه وتعالى راح يسألكم عن هذي الامانه اللي بين ايديكم
افصلوا مشاكل البيت عن مشاكل المدرسه
لانه بعض المعلمات الله يهديهم عندهم مشاكل بالبيت ويحطون حرتهم بالطالبات
………..
الطالبات..
لاتحزنون دام الدنيا تفرق لانه مرد بني ادام يكبر وتتغير طريقة تفكيرهـ
فصادقوا في المرحله العمريه اللي انتوا فيها
وكل مرحله لها صديقه..
في النهايه اتمنى اني ماطولت عليكم
كانت مجرد فضفضه 😛
